رساله تنااقلتها الزوجات

MỈ$$ ĈūǾŦ · منذ /09-02-2010, 06:41 AM

رسالة تناقلتها زوجات سعوديات أزعجتني رساله تنااقلتها الزوجات

لقد اثار إهتمامي رسالة تتناقلتها زوجات سعوديات عن اللي تبي الدلع والكلام الحلو وين تلاقيه.
فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي..... واللي تبي.....

واللي تبي الأجر تاخذ سعودي
عاد الأخيره هي الي أزعجتني

وحبيت أقول لهم
العاقل يفهم من غمزه والجاهل يفهم من رفسة رساله تنااقلتها الزوجات

معلومة أفتتح فيها رسالتي:
أنا من بيئة زراعية تؤمن أن الأرض الطيبة تعطيها تعطيك،
وكثر ما تهتم فيها يكون الثمر أطيب.
إلى كل إمرأه سعودية تعتقد أنها مأجورة لأنها مآخذه زوج سعودي.....
إلى كل إمرأه سعودية تعتقد أنها فاقدة الدلع مع زوج سعودي.....
إلى كل إمرأه سعودية تعتقد أنها فاقدة الرومانسية مع زوج سعودي.....
إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومة عاطفيا لأنها مع زوج سعودي.....
إلى كل امرأة سعودية تبحث عن زوج حق دلع ولا كلام حلو.....
أختي الفاضلة:
أجلسي مع نفسك صباح يوم من الأيام بعد أن يغادر زوجك السعودي إلى العمل.
راجعي يوم الأمس الذي مضى لحظة بلحظة،

وأجيبي عن الأسئلة التالية:
صباح الأمس الباكر؛ من أيقظ زوجك للعمل؟ أنت أم الساعة المنبهة؟
إذا كانت الساعة؛ أين كنتي؟
إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟
بعد أن استيقظ، ودخل الحمام للدش؛ هل وجد حمامه جاهز؟
لما خرج والأمل يحذوه في وجبة إفطار؛
هل كنتي جهزتي له إفطاره؟
(ولا كوب قهوة وكيك على المكتب)
قبل أن يخرج للعمل؛ من أين أخذ ملابسه؟ (من بين يديك ولا من الدولاب)
هل ساعدتيه في لبسه؟ (وكشختيه وعطرتيه)
بعد اللبس (وقت الخروج)؛

هل من مودع؟ ولا أحسن إختاري أجابه واحدة مما يلي:
1- خرج وأنا نايمه.
2- صحيت من حركته في البيت، فتحت وحده من عيوني وقلت: وين رايح، العمل؟ بالسلامة.
3- كنت جالسه بالصالة، وهو خارج قلت له لا تنسى الأغراض اللي وصيتك عليها.
4- رافقته للباب، وكان وداع حار.
( تبين مساعدة، نحذف إجابتين؟ بس المشكلة مانقدر نحذف إلا إجابة وحده بس!!!)
لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛
هل أتصلتي فيه تطمئنين عليه إنه وصل بالسلامة؟
تالي النهار وهو راجع البيت من العمل،
دق الجرس ( معه مفتاح بس يبي أحد يفتحله و يحسسه إن له وحشه)؛
هل أستقبلتيه؟ وشلون؟
بدا ينزع ملابسه؟ هل كنتي معه ونزعتي له ملابسه و..و..
ثم علقتيها بالدولاب؟ (ولا منطوله بطرف السرير)
يبي يدخل الحمام ويأخذ دش؛ (كرري السؤال حق دش الصباح).
بعد الدش يبي استرخاء، رجليه تألمه من الوقفة طول النهار والمشي،
جسمه هلكان؛ هل ريحتيه؟ (طشت مويه وملح وهاتك يا تدليك)
الآن يبي غفوة قبل ألغدا، هل ساعدتي على توفير الجو الهادئ؟
لما صحي؛ هل وجد ألغدا جاهز ولا هو اللي جابه معه من المطعم؟
بعد ألغدا أكيد يبي شاي،
هل قدمتي له الشاي، وجلستي معه سوالف عن كل شيء،
وكيف كان يومك؟
الآن فتره مستقطعه إلى الليل، وشلون قضيتوها؟
بالليل وقبل النوم على الأقل ساعتين (إذا فيه عيال أكيد ناموا)؛
وش كنت لابسه؟ كيف رائحتك؟ وشلون صورتك وهيئتك أمامه؟
خلال الساعتين: وش من جو عيشتيه فيه؟
يمكن تتابعون فلم ولا مسلسل وسواليف، بس الجو العام شلون؟
وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟
(وضعية حنان ولا كأنكم أثنين أصدقاء استأجروا غرفه بفندق
وما لقولهم إلا غرفه بسرير واحد (كنج بد) وكل واحد نايم بجهه)
باختصار لكل الأسئلة السابقة:
هل كنتي أنثى مع زوجك السعودي وعيشتيه جو زوج وزوجه؟
طبعاًَ هذى مو كل الأسئلة المطلوبة من زوجه أنثى،
لكن المهم منها والمطلوب حتماًَ وحق الزوج فيها.
إلى كل امرأة سعودية تبحث عن زوج حق دلع ولا كلام حلو:
ضعي درجه من 100 على كل سؤال، ووزعيها بحسب الأهمية،
ثم أجيبي الإجابة الصحيحة، ومن ثم اجمعي الدرجات التي حصلتي عليها.
كم مجوع الدرجات أللتي حصلتي عليها؟
0% ولا 10% ولا 50% ؟ رساله تنااقلتها الزوجات

طبقي النتيجة على المعلومة الزراعية التي أعطيتها أول الرسالة عن الأرض.
إعتبري النتيجة هي نسبة اهتمامك بالأرض. والأرض زوجك كيف بتكون الثمرة اللي تحصدينها؟
(الثمرة أكيد الدلع والكلام الحلو و... و....)
اسألي مزارع إذا احتجتي مساعدة.

في النهاية: أتمني من المرأة السعودية اللي تبي الدلع ما تأخذ لبناني،
واللي تبي الكلام الحلو ما تأخذ سوري واللي تبي...واللي تبي....واللي تبي....

معلومة أختتم فيهاموضوعي:
تعرفون ليه الزوج السعودي يفغر لما يشوف امرأة متبرجة وتطيح سعابيله.
تعرفون ليه الزوج السعودي أكثر رجل في التاريخ متواجد في القهاوي والاستراحات؟
تعرفون ليه الزوج السعودي لما يجلس وزوجته يتابعون التلفزيون وتطل المذيعة عيونه مفنجله بالشاشة.
تعرفون ليه الزوج السعودي لما يتزوج من سوريه ولا مغربيه ولا...ولا...

يحس إن فعلاًَ فيه جنس آخر بالكون غير الذكور.

لأنه في الأصل عايش مع واحد من ربعه.

منقول من الواقع
و أنا برأيي الشخصي انه لو فيه زوجة تسوي ما ذكر أعلاه ما راح زوجها يفكر مجرد
تفكير بالزواج عليها إلا إذا كان مجنونا أو مريضا نفسيا.

انتظر ردودكم بكل شوق

vshgi jkhhrgjih hg.,[hj jkhhrgjih

بسمة فرح · منذ /09-02-2010, 09:14 AM

كلام كله عسل

بس انا اصير شغاله وهو

يمكن يعطيني ويمكن يدوس على خشمي

اعذريني افتحي الجرايد وشوفي بعينك

كل الغلط من السعوديات وهو ملائكه مشاء الله تبارك الرحمن

يعني الفوق مليون قصه وقصه الغلط منا مانصحي ونربي وندرس مشاء الله

بعلمك بشيء لاخير لافي سوري ولالبناني ولاغيره

مايملاأ عيننهم الا الترااااب

تحمست احس

أخ‘ـَفي غلاك · منذ /09-03-2010, 02:59 AM

والله طرح راائع
والاحلى انه للنقااش
طييب بتكلم من وجهه نظري
انتوا تكلمتوا عن حياه الرجال
وكل الاسئله هذي انو الزوجه تخدم الزووج
وكلهاا كررف
بس ماشفت سؤال ان الزوج يسوي شي لزوجه
مو شرط سؤال بس حتى ردت فعل ماكو
يعني اكيد لو عندي زوج بحطه ع عيني ورااسي
بس الانسان يتحمل ع قد طاقته
معلييش ماصارت بشريه صارت اله لخدمته
يعني صدق بالعكس الوحده اذا اقالت لبناني ولا سوري
كلهم سوا مثل ماتعاملين يعامل وبعضهم مايبان بعينه ابد
واذا صار الزوج يستاهل انو اسوي له كذا اسوي له كذا واكثر
بس اذا مايستاهل يعقب
<<تحمست بقووه

يعطييك الف عافيه
ودي ق1

السفاح · منذ /10-26-2010, 09:49 AM

كلامك عسل ياعسل ورائع
انا رجل أصحى من نومي لا أجد زوجتي امامي
أستيقظ بمنبه ساعتي

أخرج ملابسي من الدولاب بنفسي
واذا قلت لها أعطيني الشي الفلاني قالت ليه ماتاخذ انت
يادب ياكسلان والا في الكورة نشيط (عبارة زوجتي)
الله يصلحها ويخليها لي
أكرر شكري الخاص للكاتب المميز

~ ™ Яσθσ7 · منذ /10-27-2010, 10:18 PM

مساء الخير
حوار جدأً رائع ..~ ف4
تسسلم يديك علييه .. ولك كل الشكر
بس صراحه ذكرت احد البنات هنا ان اذا الزوج بيعطي
طبيعي الزوجه بتعطي .. اصلا شي تلقائي ومتبادل بيكون ..~
بس اسوي له كل هذا ض9ض9
من جد جايبني زوجه او خدامه تبي ذا كله .. ماالمقابل ؟
والله اذا يعطني حب ودلع وحناان اقسسم بالله مشاعري الي تسوي له ذا كله
بدون تصنع وتزيف وعطني واكرفي لي خخخخ
رايي الخاص .. ض1
والله نصيحه لكل رجل تبي زوجتك تكون مثل كذا واكثر ومن دون
حنه ورنه واسلوب اوامر
عطها حب وحنان دلعهاا .. حسسها بمعنى ( الحب ) وانو جد في الواقع
مو في الخيال حاول تفهمهاا ..~
و شوف هي وش تسسووي ..~ ض1
كل الود ف4

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أسماء الزوجات في بعض موبايلات أزواجهم	حلا الكويت	¬»• استراحه للأعضاء - مواقف - بطاقات شخصية ≈	12	01-08-2010 03:02 AM
رساله صريحه	¶»كّہہلآٍسہيہكّہيٍ«¶	¬»• حديث - قرآن - سورة - إسلامية ≈	10	10-31-2009 09:58 AM
رساله للمهموم؟؟؟	غرور	¬»• حديث - قرآن - سورة - إسلامية ≈	11	12-07-2008 02:22 AM
اسامي الزوجات بجوالات ازواجهم	خلني بعيونك	¬»• الأرشيف ،، المواضيع المكررة والمخالفة ≈	1	07-27-2008 04:28 AM
اسماء الزوجات في جوالات ازواجهم	ملكےالشموٍخے	¬»• ضحك وفرفشة - تسلية - نكت - مواقف طريفه ≈	9	09-10-2007 12:17 AM

الذين يشاهدون محتوى الموضوع الآن : 1 ( الأعضاء 0 والزوار 1)