ذياب : دكتور وت هاابن
الدكتور : .................................................. .................................................. ....!!
ذياب يرص ع ايدييينه : ,,,,,, فديتج يا مهاري ...... ثانكس دكتور ...
ورد دخل الحجره ........
كانت راقده بكل تعب ..... حااضنه ايديينها ع صدرها ... ومغطيه نص ويهها باللحاف ..
تقرب منها ..... لعب بشعرها وتم يتاامل ملامحها وهو يمرر ايدينها ع ويها .: شسويت فيج انا شسوييت !! عذبتج في شهر عسلج !! المفروض تتهنين بس انا شوه سويت !! آآخ ييامهاري ماتستاهليني والله ...
تم يمرر اصابعه على ويهها ويجوف كيف التعب امبيين ع عيونها .. الهالات السودا ... بس بعد قمر .. وربي قمر ... بيضااها ناصع .. وخدودها امورده ... باس راسها ... وزخ اييديينها ... وقرب راسه وحطه جريب حظنها ع الطرف ... وغمض عيونه .......
مهاري تفجج ايديينه .. وحس بها وقام ...........
مهاري بتعب : شوه استوالي ؟
ذياب عاقد حياته : رقدي ريحي ....
مهاري: بسني رقاد شبعت ..
جاف الساعه ........... 9 الصبح !! خيييييييييبه ماحس بروحه من امس ..... والدكتور كيف كشف عليها عيل ..
مهاري باستغراب : شو بلاك ؟ شو استوالي ؟
ذياب : هبووط حاد ... بسير اسال الدكتور عنج وبرد .....
غاب عن عينها ........ تمت تتامل الحجره ... وتتامل برع الدريشه .... شوي ودخل عليها مبتسم ..
عرفت ان بيظهرونها وهي احسن مافيها شي ........
مهاري : بظهر ؟
ذياب : هيه ..... الحمدلله انتي احسن اليوم ... بس لازم تبتعدين عن أي ضغط واي زعل وضيج سمعتي ..
مهاري تتنهد : حجزت التذاكر ولا ؟
ذياب : حبيبي شفييج .. بنرجع والله بنرجع .. مامدااني كنت ويااج ..
مهاري : توديني الفندق وتسير تحجز ... مابا اتم اهنيييه خلاص ...
ذياب موخي راسه: الي تبينه .....
جافها تقوم سااعدها ..... لبسها عباتها وقبضها من خصرها وظهرو ...... ركب السياره الي كان ماجرنها يوم يو ..... يلسها جدام ورد ركب السياره ........
الهدووء عاام المكاان ......... حطت ايدها ع ويها تمسح دمعه ........
< مهاري ... هذا المكان الي كنت احلم به !!!! هذا المكاان الي تمنييت ايييه عسبت استاانس واجوف كل الي كنت ابا اجوفه ....... هذي ايطاليا يا مهاري !! كسرتج ايطاليا ..... وهدمت كل شي حلو كنتي تحلمييبه ...
ذياب شل ايدها من حظنها وسحبها لعنده ..... بس قبضتها اقوى بسرعه ردتها ......
ذياب بعذاب : ليش ...
مهاري : .........
ذياب : .......
رد الهدوء يعم المكاان ...... بس بدموع مهاري ..... الي اطلقت العناان لنفسها ...
وصلو الفندق ..... نزل وياااها .......
ويوم يايه بتركب اللفت : خلني ادل المكان ... سير احجز تذااكر .....
ذياب : بوصلج انزين ...
مهاري : ماباك توصلني خلني ادل رووحي .. يالله سير ....
ذياب يقبضها بقو ويركب وياها اللفت .......
مهاري : جي هالحركااات ...
ذياب : لاني مابا اخليج روحج ....
سكتت عنه وهيه تتاافف ..... حس بانزعاجها الكبير منه بس طنش ....
دخل وياها الغرفه .....
مهاري : خلاااص قتللك سير ...
ذياب : لاء .. اول رقدي جدامي .....
مهاري ....: يااربي ..
ذياب اضايج وايد ......
ذياب : خلاص انا ساير ......
وظهر من الحجره بسرعه .........
تم يمشي ويمشي ويمشي ...... ويجوف المكاان والبرررررد يدخل في جسمه .....
ماحب يحجز مايبا يرد ..... شهر العسل ما بدا عسبت ينتهي .... 5 اياام !! والله ماتهنيينا ...
شوه بيقولون لو جافونا رادين ...... شقايل ابوها خبا عنها ... ليش ما قاللها ... صح وحده مثلها حلووه وقمر .. بترضا تزوج وااحد مطلق وعنده ولد وبنت .... ليش ادوس ع احلامها عشاني ؟ انا امنو اكون سوى شخص توه تعرفه ........
ع هالافكار وصل صوب قسم الحجوزات .... وحصل تذاكر عقب يوميين ..... زين عقب يوميين مش الحين ..
حجزلهم و ما حب يرد البيت ..... ما يبا جو الاكتئااب ........ اتصل فخليفه .....
خليفه : هلا والله ....
ذياب : خلوف وينك ؟
خليفه : في الشقه ....
ذياب : ما بتيني ؟ في كوفي الدوني انا ...
خليفه : خلاص دقايق ويااينك .....
ذياب: بترياك ..............
شقه خليفه جريبه من المكان الي فيه ذياب ........... دقايق بالفعل وييااه ....
خليفه : هاا المعرس شبلاك ......
ذياب : مضايج ..
خليفه : عسى ماشر ؟
ذياب يتنهد : الحرمه ماكانت تعرف اني معرس قبل ....
خليفه : وشقاايل ماتخبرها بهالشي ...
ذياب : ترا قايل لاهلها مادري شعنه ماخبروها .....
خليفه : شرايك ......
ذياب : لا تقولي نشرب .. لان سويت لي سالفه هاك اليوم ..
خليفه : لو جفت حالتك .. والله بغيتك تنسى ,,, من كم يوم تعرف الحرمه وجيه متعذذب عليها عورت قلبي ..
ذياب : خليفه ودر الشرب ياخي ... ما بينفعك ودر هالشله الخرا ..
خليفه : ماقدر خلاص .....
ذياب : لا تقول ماقدر ... انت اعز ربعي ... مابالك هالصدعه ... انا عرست مرتين وماباجي شي ع عمري .. مادري متى بتجوف حياتك انته .
خليفه : ياااالله على ايدك الصلاح ..
ذياب : رد البلاد لين متى بتم متغرب ...
خليفه : تعودت ع ايطاليا ياخي .....
ذياب : رد عود روحك ع الاماراات جيه شبلاااها دولتنا الا الحر الي ملعوزنا ..
خليفه : ماعليه خير ان شاء الله ..
ذياب : متخرج ويايه دكتور شعنه .... وياي اهنه مرتغد ....
خليفه : ياخي خلاص قلنا لك بجوف ..
ذياب : لا مارد البلاد الا وانته رااد ...
خليفه : خل عنك ... ماعليه قلتلك برجع .. بس مش الحين ... خلك مني ... قوم نتمشا ..
ذياب : نتمشى وين نسير مالي بارض ..
خليفه : بوديك ساحه جريبه منها زحمه وربشه شوي .. بدال هاليلسه ..
ذياب : لالا خلنا اهني احسن ..... صح شوه تشرب ....
خليفه : ياااااخي قوم اقولك .......
ويقومه ...... ويتمشون .........
خليفه .. 27 سنه ... ربيع ذيااب المقرب و ولد عمته ... بس ابتعد عنه من 4 سنين ... لانه تاام في ايطاليا ... ماكانو يتواصلون الا بالنادر ..... لكن شكلها علاقتهم بترد ..... يشبه ذيااب واايد .. لكنه اسمر اكثر عنه ... واقصر عنه شوي ...
عقب ما تمشو شوي .......
خليفه : بتيلس اهنه ؟
ذياب يطالعه : شوه فرقت عن الكوفي الي اهنااك ....
خليفه : مالت عليك ها المقهى حق المصمم جست كفالي ...
ذياب مبتسم : لااااه .. جني عرفته الحين ...
خليفه : الله عليك يا ولد خالي .... هاا الله يسلمك اشهر مصمم في ايطاليا .. وتلاقيه دوم موجود ع الساعه 9 الصبح .... وعندهم اكله مشهووره اذا ماكلتها فاتك نص عمرك .....
ذياب يطنز : شسمها بعد خليفه كوالي !!
خليفه يطالعه : تطنزز ... مالت علي لاني مسولك سالفه ....
ذياب يضحك : ههههههه لا شسمها يمكن اييب مهاري اهنه ....
خليفه : حرمتك مهاري ؟
ذياب : هيه ....
خليفه : احب هالاسم ..
ذياب يدحنه : يااااخي حشمني ولد خالك بعد مش غريب ....
خليفه : اااااي بل عليك .... انزين محشمنك شوه قلت .. قلت احب هالاسم ماقلت احب حرمتك حشى ..
ذياب : زين يالله قول لي شسمها ...
خليفه : ريوزتو فيرنالي ...
ذياب يضحك : ههههههههههههههههههههااي جريب من الاسم الي قلته ...
خليفه : اسكت اسكت ..... انا ماعندي سالفه اثقفك ...
ذياب مبتسم : تدري لو يبت مهره اهني بتلاقيها تعرف كل شي ...
خليفه يطالعه : ليش مثقفه يعني ؟
ذياب : امم ماعرف ... بس هيه كل شي تعرف بايطاليا .. هيه الي اقترحت اني اهني .. وايد عندها معلومات حلوه .....
خليفه : زين والله ... حلو جذه ...
ذياب : الا حلو وبس ..... الا كشخه ...
خليفه : هههههههههههه اسميك يا ولد الخال غرقان في الهوا ......
ذياب : خل عنك هالرمسه وين مودني الحين ..
خليفه : اراويك ايطاااااليا ... اتمشى انزين شبلاااك متملل .....
ذياب يأشر : هذاك شارع فيا بريرا ؟
خليفه : هييه ... ودك تشتري شي ؟
ذياب : امم هيه خلنا نسير .......
وسارو .... شارع فيا بريرا .... شارع طوييل مرتب ....... اممم مافيه سيارات واايد اغلب شي عرباانات تبيع بضااعه ناادره مش موجوده فالسووق ....
ذياب يطالع فالاغرااض .... عيبه برووش مرسوم عليه قلب ومحفور فيه سهم ظااهر شوي برع القلب ... خذاه .. و خذاا باقه ورد مشكله بكل الاالواان ....... لف البروش بغلاف حلو وخذا كرت كتب عليه " اسف " ...
ودفع ....... و كملو مشي ....
خليفه : حق مهره ؟
ذياب يطالعه ويهز راسه بمعنى " هيه " ....... : ابا اييبها تشرا لاهلها و اتشرا حق اهلي بعد هدايا ..
خليفه : شحالها ندى ..
ذياب يطالعه : تذكرها انته ....
خليفه : كيف ماذكرها ...
ذياب : زين مانستك الغربه عيل ...
خليفه : والله انت ناوي تكرهني عيشتي .... تدري ماعندي سالفه ياايبنك .. يالله يالله ...
ذياب : هههههههه فديتك والله .. حلاتك جي تغير مزااجي تنكت وتحوطني مش تخليني اشرب ....
خليفه : ذليتني والله اخر مره ...
ذياب : جي اباك ..........
خليفه : خلاص برايك فندقك جريب...... كمل دربك وانا بسير عند الشباب قلعتهم وييتك ..
ذياب : خلاص مشكوور ولد العمه ....
خليفه : اني تااايم افا عليك ......
وراح عنه ........
اما ذياب ...... خذالهم غدا ..... وصعد فوق ........
الساعه كانت 3 الظهر ......
دخل جاف الصاله مثل ما كان مخلنها ....
ياي بيدش الحجره بس سمع انها ترمس بالتلفون ....
رد رتب الغدا ع الطااوله .... ودق الباب ودخل .........
مهاري: الحمدلله .. " تطالع ذياب " مايقدر يرد شهود ...
هنوف : والله عمي عور قلبي واااااااااااايد يا مهوور ... لو تشوفينه كيف يترجا شهود ..
مهاري : حليله والله ....
هنوف : زيين مهووره بتيينا فاتوره والسبه انتي الحين ههههههههههههه ...
بو الود : انتي ويا منو ترمسين .....
هنوف : ويا مهااري .... رمسها ابويه ....... " وتعطيه التلفون "
حست بالرعب من سمعت حسه ........
بو الود : السلام عليكم ..
مهاري بارتباك : ووعـ ـ ـ ليكم السلام .....
بو الود : شحالج مهره وشحال ذياب ؟؟
مهاري: بخير ابويه كلنا بخير.
ذياب شدد انتباهه لمهره .... وعرف ارتباكها .. مع انها عطته ظهرها لكنه دكتور نفسي .. جاف ايدها الي تلعب باللحاف بشده ... وحركت ويهها ... وفهم انها خايفه ومتوتره .....
بو الود : هااا متى ناوين تردون ؟؟
مهاري : جريب ابويه ....
بو الود : شعنه استااانسي ويا ريلج ... شهر العسل ترا مايتكرر ... استانسي فيه ..
مهاري :ان شاء الله ابوي ........
بو الود : هذي نوره تبا تكلمج ...
مهاري براحه تتنهد .....
نوره : مهوووووووووووووووور حيااااااااااااااتي ....
مهاري بغبنه : عاش من سمع هالصوت ....... شحااالج نواري ...
نوره : متولهييييين عليج البيت امرررره ما يسوا بدوووووونج ...
بو الود : لا تقوليييلها بعد هالكلام بتحن ع الريال يردها بعدين ....
مهاري سمعت : شدعوه مايدري اني ابا ارد ......
نوره تبتعد عنهم : شوه مستوي ؟؟؟ ليكون صاير شي ؟؟
مهاري وهييه تنش من يلست السرير ... وقامت ماتدري ذياب لهدرجه منصت وياها ويطالعها .. قامت جابلته ...
مهاري بعذاب : شوه بيصير اكثر .. خليها ع ربج .....
نوره : مهوووووووووووور رمسي ......
مهاري : ماعليج مني ........ شهد شحاالها ؟؟
نوره : الحمدلله بخير ..... ماتريحييني تراج .....
مهاري: هههه ماعليج جريب برجع ... وبيكون بينا كلام ان شاء الله ..
نوره : مهاري خلج قويه . استوي حرمه ... لاتمين ضعييفه ..... دافعي عن نفسج .. وبنفس الوقت حشمي ريلج ... واذا غلط بشي صغير .. لاتكبرين السالفه .. تراج بضيجييبيه .. ويمكن يكره حياته ويتصرف وياج تصرف مش زيين ... خلج حرمه ...
مهاري : ان شاء الله .. تسلمين نوره ... وسلمي ع الود وشهود واااايد ..
نوره : يووصل ان شاء الله ....
مهاري : مع السلامه .....
نوره : الله يحفظج .....
ذياب يتنهد : جان خبرتيها ... ليش ماسكه في قلبج ...
مهاري : ........
ذياب ضاج وايد ... يعني هو شو ذنبه يوم اهلها ماخبروها ....... ظهر من الحجره .... تارك ع السرير الباقه و الغلاف الي فيه البرش .... انتبهت للاغراض بس ما سارت صوبهم ... من عقب ماظهر ظهرت وراه .....
مهاري: حجزت ؟؟
ذياب بملل ومن دون لا يطالعها : هيه عقب يومين ..
مهاري: بعد بتريا يومييين !!
ذياب يطالعها وعاقد حياته .......
مهاري : افففف .....
ذياب : ماعليه استحمليني .... الا يومين ....
مهاري عقدت حياتها " والله ماقادره اتحملك ثواني وتقولي يومين " .......
سارت صوب البلكون .... وفتحتها وظهرت تتامل ..... مااكاانت متجربه وايد عسبت الي برع والي تحت مايجوفونها لانها مش متغطيه ........ مكتفيه ببنطلون ابيض ... وقميص زيتوني هاادي ..
النسيم كان يضرب عليها وكانت مستمتعه به تغمض عينها .... شلت الطوق من شعرها لانه مضايجبها .. طاح شعرها الطوييل ع جسمها .......
صد ذياب بيزقرها لكن مثل عادته ما يستحمل منظرها وهيه فاله شعرها .. يتخبل عليها .... تأسره ....
< ذياب .. ودي احظنج ... ودي اخليج بحظني ومافجج .... واقول للعالم خلنا بروحنا .. حتى الذبابه ماخليها تلمسج وتتقرب منج ...... ودي اسمع ضحكتج ...... ودي اجوف حياااج ودلعج وانتي ترمسيني .... ودي وودي . بس آآآخ يالحاله ....
..........
مهاري نقزت .........
ذياب وراها وحااظننها من ورا ... ومقرب رااسه من رااسها ....
مهاري : فجني ..
ذياب : احبج ...
مهاري تحاول تخوز ايده : اقولك فجني ...
ذياب : وانا اقولج اموت فيج ..... اعشقج ...... اتخبل عليج ......
مهاري تتنهد ... يقوي قبضته ...... ويحظنها اقوى ........
مهاري : ذياااااااااب ......
ذياب : واخيييرا ً .. مابغيتي تنطقين باسمي !! يااااااروحه امري ....
مهاري : فجني ...
ذياب : ماريد افجج .....
مهاري : يلاااا فجني .......
ذياب : ليش انزين شوه سويت يا مهاري شو سويت حرام عليج ... والله مارتكبت غلط ... خبرت هلج هم الي ماخبروج ليش تعاتبيني انا شلي يوم خبو عنج .....
مهاري : وانت على بالك اني افكر بهالسالفه ...... انا افكر باليوم الي شربت فيه ... اذا كانت على مشكله صغيره انت بتشرب عشان تنسى ع قولتك وماااااتفكر .. كيف لو صار شي كبير ....
ذياب يبووس راسها : وغلاتج يا اغلى من روحي ... وغلاتج ماكررها .....
مهاري تتنهد .......
ذياب يخليها تجاابله ويقرص خشمها : يالله عااد .... يالله يا روح ذياب ... بسج .. باجي لنا يومين اهني .. خلينا نسكر الصفحه ونعيش هاليوميين .....
نزلت راسها.....
ذياب يرفع راسها ومبتسم : انزين ؟؟ خلاص وعدتج مابكررها ... وانا عند وعدي ...... " يحط ايده ع لحيته " وهاللحيه ....
مهاري تطالعه .........
ذياب يبوس خدها : احبج والله ...... لا تتصورين اني استغل طيبتج في يوم ... والله مش متحمل بعادج اكثر وجفاج .....
ماعلقت ......
سحب ايدها ودخل الحجره ..... شل الباقه والغلاف .... ونزل لركبتها .....: تفضلي يا ملكتي ...
ابتسمت غصب .. الحركه الي سواها عجيبه ...... شلت الباقه وشمتها .... عيبتها الريحه ..... فتحت الغلاف وجافت البرش ....
مهاري مبتسمه : شكرا .....
ذياب مفهي : ياويل حالي ع الابتسامه .... تخبلين والله تخبلين ....... بس ماتحمل هالجمال ياربي ...
ضحكت : هههه بس عاد ......
ذياب : بعد تضحكين !!!! ناويه تموتيني ...... يطيح ع السرير ... خلاص انا ميت ....
مهاري : بسم الله عليك عن هالرمسه .......
ذياب ينش : بعد ؟؟ شوه ناويه اعق روحي من البلكونه ؟
مهاري : .....
ذياب يقوملها ويحظنها بحناان : الله لا يحرمني منج ولا يذوقني حزنج في يوم .......
مهاري: امين ...
ذياب : يالله قومي نتغدا ...........
سحبها وسارو يااكلون ..... هو الي يلقمها ماخلاها تزخ شي .......
عقب الاكل ...
ذياب يتثاوب .....
مهاري : قوم ارقد ...
ذياب : وحظرتج ؟
مهاري : بتم اطالع التلفزيون ....
ذياب : اسف جدا ... يا اطالع وياج يا تقومين ترقدين ويايه ......
مهاري تبتسم : مافيني رقاد .....
ذياب ينش ساير يغسل ايده : مشكلتج دوريلج حل .........
غسل ايده ورجع جافها يالسه ع غنفه التلفزيون ......... ياا عندها ......
بس رجع سار الحجره يابله شرشف خفيف ..... ويااها ......
حطا راسه ع ريلها ...... وتلحف عدل .......
مهاري مبتسمه : مادري منو الياهل الحين ....
ذياب يطالعها ومبتسم : سكتي سكتي .......
شغلت التلفزيون ويلست تبدل فالقنواات ....... جذبها مسلسل اجنبي ..... حطته .. نزلت راسها .. ماشاء الله عليه !! لحق يرقد ........
تمت تتامله .... حلو فديته ......
يلست تلعب بشعره وهو بعده ماتعمق فرقاده ويحس بيديينها .... تلحف اكثر من البرد .... ورقد من خاطر خاااطره .........
صدعت من الفلم ... قصرت ع الصوت .... وهيه بعدها تلعب بشعره ....... باست يبهته .....
وساندت راسها ع الغنفه غمضت عينها شووي .......... وغفلت وياه .........
بعد نص ساعه .......
ذياب فتح عينه جافه متسانده ......
ذياب بصوت واطي : قلتلج نرقد فالحجره .. يعني هاي رقده بتعويلج رقبتج .....
بس ماردت عليه .........
ذياب قام بشويش .... وشلها بحب ....... دخل الحجره ..... وحطها ع السرير ,.....
سكر الستااير..... و ماشغل المكيف لان الجو ثلج موت ....... لحفها عدل ورقد حذالها ........
............................
راشد : ههههههههههههههههاااااااااااااي والله العظيم انج تحفه ......
.. : انزيين وين بتودييني ؟؟
راشد : وين تبين ؟
.. : أي مكاااان .........
راشد : بوديج بيتكم لوعتي جبدي ......
.. : افااااااااا
راشد : هيه والله ....... من الصبح احااوط بج ......
.. : زين زين ودني ....
راشد يضحك : وراسج بوديج .....
.. تمسك ايده ..... خوز ايده بسرعه : حووووه استحي ياخي...
.................................
ندى : حمدااااااااااااااان ........
حمدان : لااااااء يعني لااااااء ......
ندى : والله مافيك خيررررر ...
حمدان :أدري وتمي قوليها لين تنقع جبدج ماشي .....
ندى : دخييييييييلك .....
حمدان : صخيييييي عني ..........
ندى : زيييييين ودني بيت مهاري .......
حمدان : ياخي دريول عندج انا ...... زولي عني .....
ندى: حمدان والله لو ذياااب اهني ما بيقصر احسن عنك ....
حمدان : هااكي ذياب ... انا حمداان جاانج ماتعرفين .........
ندى تدزه : اففففففففف اكرهك ......
حمدان : مش كثري ...
ندى : امااااااااااايا ......
حمدان : ما بتسمعج راقده ........
ندى : والله يوم بي ذياااب بخبررررره .. قااااالك تحمل مني وانته مووول حتى ماتظهرني شوي . وكله تكسر بخاااطري ...... ولله بقوووله .....
حمدان : واذا نسيتي انا بذكرج .....
ندى تزاعج : يااااااااااااااااااربي ....... اففففففف اففففف .......
سارت صوب تلفون البيت ...... واتصلت .............
شهد : الوووه ...
ندى : افففففف بمووووووووت ....
شهد تضحك : اكيد حمدان مش راضي ييبج .....
ندى : هيييييه بعد شوه ..... خاااايس والله خاااايس ....
حمدان ببرود : ومافيني خير لا تنسين .....
ندى : شهود بنتحر .....
شهد : ههههههههههههههه لالا اعصااابج .....
ندى : افففففف شوه تسوون ؟؟
شهد : نطالع فلم هندي في قناه سما دبي ... حطيه وااايد كشخه .....
ندى : الفلم الهندي عندي .. مايحتاي اجوف .....
شهد : يااااربي هههههههههههههه الله يعينج ....
ندى : الود وين ؟؟
شهد : راقده ...
ندى .: افففف كنت بخليها تمر عليه ......
حمدان : هه وايد ع نياتج حليلج مادري منو بيخليج ...
ندى : اقول شهد بنتحر وبتصلبج ...
شهد : لالا هدي بالج .. بدشين النار ....
ندى : تطنزين يلا يلا انتي بعد بااي .... بدقلج خلاف ....
شهد : هههههه خلاص الله يحفظج ......
................................
ذياب : والله لعوزتييني ..... " يخوز ايدها من شفايفه "
تقوم ......
ذياب يطالعها :ماتخلين حد يرقد ....
مهاري تتمدد ..........
ذياب : بدت القطوه .....
مهاري تبتسم : شبلاك تتحرطم .....
ذياب : عاادتج هذي ... لو تحطين صبعج وماتحركينه برتاح ..بس دوده .. اخرتها شفاتي بتنقرض ..
مهاري عاقده حياتها : شسويت !
ذياب : صح راقده ماتدرين عن سوااياج ... ماعليج .. نشي نشي ماصلينا العصر ...
مهاري تطالع الساعه 6 .....
دخلت الحمام قبله وسارت تسبح ..... وسار هو الحمام الثاني نفس الشي خذاله شاور ....
خلصت من الشاور ويلست فالحمام تتأمل ويهها فالجاامه .. شكلها يتغير 180 درجه يوم تكون مرتااحه ... طلعت من الحماام .....
ذياب : بووووووووووه ..
مهاري صرخت وحطت ايدها ع قلبها ..
ذياب : والله ذياب والله .... محد لا تخافين ....
مهاري تشل قلاص الماي الي ع الكمدينو وتجبه عليه ... انتعش من برودته ......
دزته برع وسكرت الباب .. وقفلته .... ما يتااااادب ...يقهر .....
لبست لها بنطلون احمر ... و قميص اسود مطرزز ع الاطراف بالوان حمراء .... كاان الكم طوييل ...
ذياب يدق الباب : فجي .....
مهاري سارت صوب الباب وفتحته ....
ردت عند الكمدينو ...... حطت لها جحال .... وزينت عيونها بشدو احمر خفيف ..
ياها من ورااها وشل الفوطه وتم ينشف شعرها وهو يجربه من ويهها ويشمه .....
نشفالها اياه .... وسحااه بكل هدوء ونعومه ........
لبست شاال اسوود .....
ذياب : خذي بداله جاكيت طويل عسبت نطلع .........
بدلته مهاري ولبست جااكيت اسود طويل ماكان ثجيل وايد ....
تغطت عدل وصلت ...... طلع عنها ...... عسبت تصلي براحه اكثر.......
طلعت المصحف من شنطتها .. الود حاطتلها اياه .... قرتلها سوره يس ...
يارب .. ريحني يارب ... يارب فرج همي وبعد عني الهم ... يارب اسعدني ويا ذيااب .. يارب اهدي ابوويه... يارب اصلح باله ... ياارب .. يارب اميه تحن علينا وماتقطعنا ... ياارب تهدي خوااتي وتيسرلهن امورهن .. ياارب تووفق حصوه وسعيد في الدراسه وتبعد عنهم عيال السوء .. ياارب شهد تبصر وتجوف ... ياارب ريح قلبها وسعدها يارب ..... اللهم اميين يارب العالمين ....
نفضت ع جسمها ..... ارتاااحت وايد يوم قرت ........ وذياب ارتااح اكثر وهو يسمع حسها وهيه تقرا بخشووع وملا المكان السكينه ....
تنهد .... فديتج يا مهاري ......
دق عليها الباب وطلع نص ويهه : خلصتي ؟
مهاري مبتسمه : هيه ..
ذياب : يالله عيل ......
شلت باقها وظهرت وياه .....
ذياب وهو يركب اللفت ..... : شرايج فيني كشخت روحي اليوم .....
لابس برموود وقميص ازرق فااتح طوييل ...... ومخلي الجااكيت في ايده .....
مهاري : برمود في البرد ....
ذياب بدلع : عسبت امرض وتهتمين فيني ....
مهاري : يااا بزااك .......
قرص خدها ......
وشبكو ايااديهم وظهرو من الفندق .....
ذياب : بوديج اول شي كوفي قالي اياه خليفه .....
مهاري اطالعته ......
ابتسم : ماعليج خليفه ولد عمتي ... وانا بعدله ... ولا تضايجين تراه ماسوا شي ... غير مزاجي وظهرني شوي ......
سكتت ......
زخ ايدينها بقو : ماتثقين فيني ؟؟
مهاري تطالعه : بلى ..
ذياب : خلاص وعدتج ماشرب .... واوعدج اني بغير خليفه ... تراه طيب والله .. وولد عمتي واعرف طبعه .. بس يباله تعديل شوي .......
مشا وياها لين المقهى ...... وصلو وطلب " ريوزتو قبروني "
مهاري : اشك انها تطلع حلوه
ذياب : بنجرب .....
ياهم الاكل ....... الصحن كاان متوسط ...... الاكله غريبه !! حتى ما ينعرف جان دياي ولا لحم ...
تذوقوه ..... وعيبهم الطعم ..... مايدرون شو هذا بس حلووووو ......
وشكله مش وجبه لا حق غدا ولا حق عشا بس جييه بين فترات العصر لانه وايد خفيف ....
مهاري : بناااااكل ايسكريم لان من متى في خاااطري .....
ذياب يطالعها : من عيوني يا عيوني ......
بعد سكوت .....
ذياب : كان ودي اسير وياج رووما ... وفينسيا ... ونحااوط في كل منطقه ونتمتع فيها ...
مهاري تطالعه ......
ذياب : خلينا نتم .....
مهاري بهدوء : خلاص ذياب .... بنستانس فهاليوميين ... في ميلان ... صدقني مابا اتم اهنه ..
ذياب : والله ودي اتم ويااج ...
مهاري: ماعليه الله كريم .......
ذياب : انزين يالمثقفه نحن وين ؟
مهاري مبتسمه : شارع بوينس آيرس ...
ذياب يدق راسها بشويش : شو اقول عنج ...
مهاري : اهني كل ماركات فخمه ..... وكله ماركات نادره يعني اشياء محد يحصلها الا هني بس ...
ذياب : زين يالله ادخلي عسبت تتشرين ..........
دخلت ويااه .... وخمت نص السوق حق الاهل ...... اجرو عربانه حق الاغرااض .... اهم شي عندهم انهم تشرو للاهل كلهم ....... وكل شي من الراااقي .........
ذياب : شرايج نسير مدينه بيزا ؟؟
مهاري تطالع الساعه : الساعه 8 !!
ذياب : مش اليوم باجر ... بجوف تاكسي وبتفق وياه ......
مهاري : شوه تبا تجوف اهناك ؟
ذياب : برج بيزا ....
مهاري : اهمممم ....
ذياب : هاا وين بنتعشا ؟؟
مهاري : مااادري ..؟
ذياب : تعالي بنمشي سيده احيد مطااعم اهنه ......
تمشو وحصو مطعم .... تمنو لو شي اكل عربي ... بس للاسف ماشي ....
يرن مبايل ذياب ... يطالع مهاري " خليفه " ...
ذياب : هلاااا ..
خليفه : وينك انت من متى اتصل بك؟
ذياب : ويا مهاري نتعشا .....
خليفه : وين تتعشوون ؟؟
ذياب : اهني في المطعم الجريب من شارع بوينس ايرس ...
خليفه : عادي اييكم ؟ والله طفشان روحي ... وخاطري ايلس ويا نااس تقربلي ...
ذياب بترردد : اممم مادري والله ..!
يرمس مهاري : يبا يينا ...
مهاري : ع راحتك .. مش غريب ولد عمتك ..
ذياب : تعال عيل ......
خليفه : خلاص بتصل يوم بوصل ...
ذياب : اوك ....
ذياب : ما بتضايجين ؟
مهاري: ليش اضايج ؟ ترا جيه ولا جيه بجابل اهلك عقب. ..
ذياب مبتسم : زين ...
19 دقيقه ووصل خليفه ...... كان بيتصل بس جافهم ع طول لان المطعم مفتووح وهم ع الواجهة ..
خليفه يحاول يمسك نفسه ومايطالعها من جمالها .... يلس حذال ذياب .........
خليفه : شحاالج مهره؟
مهاري بحيا : الحمدلله ..
خليفه " والله مش قادر .. اخافه يسمع صوت نصخي .. اعوذ بالله من الشيطاان .. اعوذ بالله من ابليس "
ذياب : خلوف ماشي مطاعم اكل عربي ؟
خليفه : بلى شي واااايد .... عقب هالشارع ... بتسيرون ؟؟
ذياب : هيه لاعت جبدنا من اكلهم ....
خليفه : يالله وعليه العزيمه ....
ذياب : لا شوه ضيفنا انته .
خليفه : خل عنك انتو الضيوف اهنه يالله نمشي ....
قامو ...... مسك ذياب ايد مهاري وخليفه يمشي حذال ذياب ......
خليفه ياشر : ها المكان وايد الحااكم ييه ...
مهاري : مش الحااكم .. عيال الحااكم ...
خليفه يطالعها : لا الحاكم بعد يي ...
مهاري : لا الحاكم ما يي عند هالشارع لان يخافون عليه من العرب ... تعرف ان هني محلات ماركه فخمه واكثر شي نحن العرب الي نتشرا وتهمنا هالسوالف ... ومستحيل يخلونه يي اهني ...
خليفه : امم مادري بس انا الي اعرفه ان شي حكام اهني يوون ويسكرون هالمكان ..
مهاري : عيال الحااكم .. الي بسنااينكم ... وما يسكرون المكان بالعكس هذيل وايد متواضعين .. يعني يحبون يجوفون لمه الناس ... وبعدين هم يخطفون من هالمكان واايد بس ما يتمون فيه .... لان قلتلك وايد يخافون عليهم منا ....
ذياب مبتسم : لاتتحداها بتقطعك ......
خليفه : مع اني يالس من 4 سنين لكن توني اعرف الي تقولينه ....
ابتسمت مستانسه من عمرها ... يوم تحب شي لازم تعرف كل شي عنه ....
خليفه : وصلنا .......
يلسوو في المطعم كاان شكله مش فااخر وايد بس مرتب وبسيط ...... طلبو لهم عيش واخيرا بيااكلون عيش .. ووتفننو بالطلب .......
دقاااايق وياهم الاكل ........ كلو بشهيه من الخااااطر ...........
كانت ادور امبينهم سوالف بسيطه ... خليفه يحاول يكسر الحاجز الي بينه وبين مهاري ... وبالفعل كسره وارتااح لهالشي ... يبا يخليها شرات اخته عسبت يبعد الشعور الي ييه يوم يجوفها ....
عقب ما خلصو الاكل ..
مهاري تطالع ذياب : الايسكريم ...
ذياب : ما نسيتي انتي ...
خليفه : صدقها الي يدش ايطاليا وما ياكل ايسكريمهم يفوت نص عمره ....
ذياب : بس هالمثقفه تبا توديينا افخم ايسكريم في ايطاليا ..
خليفه يضحك : هههههههه زين ودها عروس دللها .....
ذياب يطالعها بحب : وانا لي غيرها .. اكيد بوديها ولا بكسر في خاطرها ...
خليفه يمشي شوي عنهم ....
مهاري تقرصه ع ايده : لا تحرجنيييه ...
ذياب يضحك بصوت عالي : ههههههههههههههههههههههه .. فديتهم ....
خليفه : استحو ع ويهكم بسكم مغازل انا وياكم الحين ... سولفو ويايه ...
ذياب : ههههههه ان شاء الله ....
خليفه : يالله بنركب تاكسي ....
يلس خليفه جداام ويلس ذياب ورا ويا مهاري متلصق فيها .... ومبتسم ويخليها مول تستحي ...
وصلو محل الايسكريم ..... اكبر محل في ميلان يبيع ايسكريم ..... اشكال وانواع خبااااال ...
اشترالها اكبر حجم ....... يلست تصووره وتصور خليفه وتصور الايسكريم ... روعه المكان اهنيه بديع ... ماخلت صوره الي وخذتها وبطريقه محترفه ..
خليفه : تصورين انتي ؟
مهاري: هييه وايد احب التصوير .....
خليفه : يالله صوريني ..... بس بطريقه خبال .. ابا الصوره تطلع طر ...
مهاري مبتسمه : زيين ..... لاتطالعني ..... جوف الايسكريم وييلس حركه الشووكه ...
ضبطت الكام وصورته .... ورااوته تخبل ع روحه ....
خليفه : لهدرجه انا حلوو ؟؟
ذياب : لا ايد مهور وهيه تصور حلتك ...
خليفه : خل عنك .... هههههههههههههه ابا الصوره كيف ؟
مهاري : زين يوم بنرد البلاد بخلي ذيااب ييبها لك .....
خليفه : زين ماعليه ......
كلو الايسكريم بلذه مع ان الجو وايد باااارد ......
استاانسو وايد ويا خليفه اليوم .. وخليفه استانس وياهم اكثر ......
...............
خليفه : يالله سيرو عيل براايكم .. بس لازم تعزموني مره ثانيه
ذياب : هههههه افا عليك اعزم روحك ..
خليفه : من يومك نذل ياخي ...
ذياب يطالع مهاري بحب : يالله انزين خلنا نسير ......
خليفه : يالسين ع قلوبكم هههه سيرو سيرو ....
سحب ذياب مهاري من ايدها وخلا ايدها ورا ظهره ومشوو .......
مهاري تطالعه : استانست اليوم ...
ذياب يبوس راسها : دوم حبيبي ....
مهاري : فيني رقاد .....
ذياب يطالعها : حليلج مابترقدين عيل اليوم ...
مهاري : لاوالله ...
ذياب : هييه .... اباج تهمزيين لي وتدلعيني .... تعبان انا بعد ...
مهاري ترفع حياتها : هاا !!
ذياب يقرض خشمها : اسولف اسولف ...
ع سوالفهم البسيطه وصلو الفندق .......
طاااحو اثنينهم ع الغنفه من التعب .... وايد مشو اليوم ...
ذياب يطالعها من الغنفه الثانيه ومبتسم : شكلج هلكان ...
مهاري مغمضه عينها : شكلي برقد اهنه .....
ذياب : وانا بعد .... يالله رقدي .....
مهاري تفج عينها : لا قوم بنصلي .....
ذياب : زين قومي سبقيني وبقوم انا الحين ..
مهاري : اوك .....
سارت عنه الحماام بدلت ثياابها .... لبست لها بجامه حمراء ..
صلت فرضها ..... وظهرت ...
جافته راااااقد من قلب ... دزته عسبت يقوم بس ماقام ......
مهاري بتعب : ذيااب ... قوم صل وارقد ...
مارد عليها .....
سارت عنه الحجره ... يابت له شرشف لان الجو بارد وايد .....
ودخلت رقدت عنه فالحجره ......
.
.
.
.
.
.:: الإهـداءات ::.
منذ /11-23-2008, 01:07 PM
العرض العادي
المواضيع المتشابهه