وصيه من قبل موتي أبكتبها بدون ألقاب..!

شموع الأمل · منذ /04-13-2009, 01:00 AM

ألقاب , أبكتبها , من , أنثى , تخون , وصيه , قبل

وصِيَّه مِن قبل مُوتي أبكتِبها بدُون ألقاب
عشان اللِّي يجي بَعدِي يتذكَّرني ويقراني

صَريحَه صَفحِتي هذي وبخلِّيها بدُون احجَاب
بَسولِف للمَلا .. واللِّي على قلبي على لساني

بَعَلِّم غِيري وش فِيني مِن همُوم وشِقى وعتاب
وعلى فِكرَه ترى قلبي(حقيبه) كلَّها أحزاني

أبذكِر .. كِل ما أذكِر مَدام إن الزمَن ينعاب
أبغرق .. وأشعِل ظنُوني مَدام إن العُمر فاني

برسِّي مِن بُقى فيهُم وعَسَاها تِسلَم الأرقاب
وأبلفِظ آخر أنفاسِي عشان القاصِي والداني

ترى ما كِل مِن قرَّب قِريبٍ .. والغِياب غياب
ولا كِل شَخص يِضحَك لِي أعِدِّه مِثل إخواني

أهاب المُوت في لحظه ولحظه المُوت مِنِّي يهاب
أواسي نفسي بنفسي وأكُون المَجني الجاني

أنا ما أكتِب شعوري عَشان ألقى صَدَى وإعجاب
أنا أكتِب .. لَجِل أرضِي جُروحي وضِيق كِتماني

وإذا قلبي غدا شايب من همومه بَعدني شاب
وعُمري توَّه صِغيِّر ... وقُويَه حِيـل أمتاني

أبد ما كِنت مِتصَوِّر تِجيني نشوة الأحباب
لأني ما عرفت [ الحُب ] .. إلاَّ يُوم ناداني

وقبل لا أقول كِلماتي وأودِّيني على المحراب
أبدفِن دَفتِري بإيدي .. مَدام الوَقت حدَّاني

إذا شمس اللِّقا غابت وتفارقنا بدُون أسباب
بتذكرني مَع الأيام ؟ .. وإلاَّ عادي تنساني

سؤال يدُور في بالي حبيبي والظنون إقراب
أنا إن رِحت عَن دربي يا غالي وين ألقاني ؟

وإذا كان الوصِلْ صَادِق ترى بُعدك عَلي كذاب
أفكِّر فِيك وفي حَالي حقيقه الحُب أعْمَاني

خذاني مِنْك وسواسٍ فِتَح للأسئِله .. أبواب
يخلِّيني أشِك إنِّك تِحِب لِك واحِد(ن) ثاني !!

يا خُوفِي الحَظ مَا يَصدِق مَعَاي ونِنتِهي أغراب
لأني كِل ما أحْلِم أشوف .. الوَقت صحَّاني

حبيبي .. لا تِطمِّني وتِشقِق مِن غلاي ثِياب
أبَسكِن دُوم في بالِك و أبيك تِكُون عنواني

مَدام إنِّي لَجِل عِينِك زَعَل مِنِّي كِثير أصحاب
ترى لازم لَجل عِيني .. تِعَوِّض كِل حرماني

نويت أكتِب شِعِر عَنِّك مَدامِك للشِعِر طلاب
عسى يعجِبك ما باقي مِن حُروفي وألواني

أغمِّض عِيني وأكتِبلِك وأفتحهَا ألاقي كتاب !
شعوري إنصدم منِّي .. وأثاري هذا ديواني

,wdi lk rfg l,jd Hf;jfih f],k Hgrhf>>! Hgrhf Hf;jfih lk Hken jo,k ,wdi rfg

صمت آلجروح · منذ /04-13-2009, 05:52 AM

{// شمــــــــــــــوع

أهنيك على طرحك الغير مستغرب

طرح يفوق الرووعه والوصف ...

لم أجد سوى الصمت عند وجودك..

و السكون عند بوحك..

مبدعـــه أنتِ في طرحـــك

لكِ ودي

شموع الأمل · منذ /04-13-2009, 03:06 PM

فدآآآآهـ الرووح

اطلالتك تكتسي وتضيف

الشــــــي الكثير

شكراً من الأعماق لمرورك الرائــــــــع

وجـــوري لقلبك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ألقاب اعضاء بملفات مفتوحه حصريا لشموع	ℓɪиɒєя	★ إبداعـات الأعضـاء » •	59	09-30-2011 11:29 PM
ألقاب و أسماء الصحابيات رضي الله عنهن	كلي لعيونك اسير	¬»• فداك ابي وامي يارسول الله ≈	9	05-13-2010 03:05 AM
أبكتبها هنآ لأجلك ..	صمت آلجروح	¬»• للجوال - مسجات - وسائط - برامج - العاب ≈	6	06-11-2009 06:39 AM
لكل حرف وصيه	اّحساّاٍاّسـ	¬»• فضاء بلا حدود ≈	11	03-13-2009 10:23 PM
أنتي سعوديه ؟؟ إذاً بلا شك أنتي فآجرهـ..!!	صمت آلجروح	¬»• فضاء بلا حدود ≈	8	01-12-2009 01:18 AM

الذين يشاهدون محتوى الموضوع الآن : 1 ( الأعضاء 0 والزوار 1)

.:: الإهـداءات ::.