بارت 13 ...
بعد يومين:
سارة كانت قاعدة بروحها بالبيت ..
سارة بقلبها : خل ادق على انواروه خل تي بيتنا !!
وقامت سارة خذت تلفون البيت عشان ادق على انوار
انوار كانت شابكه تسولف بالمسن مع فهود وعبود ومحمد ورفيجاتها
محادثه انوار وفهود
Nonatii;*~!: way fhod zh8ana
احبك كثر هالدنيا ليتك تشوف حالي وتشوف عيني يمكن قلبك يحن: لوووول شفيج
Nonatii;*~!: Madrii,, Abii a6l3
احبك كثر هالدنيا ليتك تشوف حالي وتشوف عيني يمكن قلبك يحن: تبين اطلعج لووول؟؟
دش عليها عبود
انتي غير الناس عندي A انتي عندي شي كبير..: احبج
Nonatii;*~!:ya 8lbiii walh (L) amooot fek 7yatii SHof My PIc>>
نتي غير الناس عندي A انتي عندي شي كبير: ياشقول شيليها :@
Nonatii;*~!:way la t39b ufff .. w8t 7ubi saroh da8a 3li BRB!~
احبك كثر هالدنيا ليتك تشوف حالي وتشوف عيني يمكن قلبك يحن: الووو وينج؟؟:S
Nonatii;*~!: Brb Fhod rfejty da8a 3lii:S
سارة : الوووو!!
انوار : هلا
سارة : مم وينج!
انوار : والله بالبيت شابكه ليش؟
سارة: انوارووو تعالي بيتنا بليز
انوار : ممم اوك اليوم ماعندي شي بس ... محد يقدر يقطني؟برور طالعه وابوي بعد شوي بينام الحين 4 العصر؟
سارة تضحك: انوار يلا تسوين نفسج بريئه يعني ماتعرفين تسوقين؟؟خو كله 10 دقايق انتي واصله الي يقول احنا بالجهرا كله نفس المنطقه خلصينا خلصينا
انوار تضحك : لووول نسييت ياشقول كليتيني اوك الحين اروح حق ابوي اخذ سيارته الثانيه في احد عندج بالبيت؟
سارة : لأ
انوار : اوك عيل باي
ساره : ناطرتج يلا باي!
ردت انوار حق المسن وقاعده تكلم عبود
Nonatii;*~!:7abebi 3boodi ana bf9l now 3shan brou7 bet saroh w ana bso8 bsyart oboy il2 oK?!
نتي غير الناس عندي A انتي عندي شي كبير: مم متى تدرين :S
Nonatii;*~!:7yatii ra7 ad8 3lek awl ma a6l3 len o9l (K)
نتي غير الناس عندي A انتي عندي شي كبير: اوكي حبي ديري بالج سوقي 40 لانج موخبره زايد هاا
انوار صكرت محادثه عبود وفصلت .. وماعبرت فهود لوول
انوار قامت تركض على الدري وراحت عند ابوها :
انوار : يباااا
ابو انوار : هلا يبا
انوار: ابي السويج مالت سيارتك الثانيه
ابوانوار استغرب : شتبين فيهأ؟
انوار : يبا بروح عند سارووه بليز لاتردني
ابو انوار : انتي ماتعرفين تسوقين عدل قعدي مكانج
انوار : يباااا
ابوانوار : لأ
انوار زعلت : يبا شنو هذا يعني انا جم مره ماخذه السياره واروح كنت فيها المدرسه ! واروح الجمعيه واطلع مع برور جم مره وانا الي اسوق خوو كله بعد سنه اخذ الليسن واصلا بيت ساروه كاهو 10 دقايق واصله من بعده؟؟ اب منطقتنا شدعوا يبا زهقانه
ابوانوار يتنهد : زين بس شوي شوي هاج اخذي
انوار ضحكت : يلا انا بروح البس واطلع
ابوانوار : لاتركضين عشان لااطيحين!
انوار : زين لوووول
انوار راحت لبست جنز فاتح ازرق فاتح ولبست قميص ابيض جبنيز لي الفخذ فوقه توين طويل رمادي وحزام ابيض والوسط كان سيلفر وفلات ابيض ولبس شيله بيضه فيها شوارفسكي ونظاره ريبان وحطت حمره ورديه ناعمه وبلاشر مشمشي ومسكره
انوار تنادي رنيم : رنيمو ... رنيمووو
رنيم : ها
انوار : وين جنطه الكفرات حق تلفوني؟؟
رنيم : وانا شدراني
انوار : ياسخيفه انتي كنتي امس تلعبين بالكفرات !!
رنيم : شدعوا شدعوا بس طلعتهم وشفتهم
انوار : خلصيني يا ام لسان واي انا اختج الكبيره جب ولاكلمه قوليلي وين؟
رنيم متخصره : شوفيهم بالدرج ياحظي
انوار متنحه : ويع السانج شطوله خلاص ذلفي عن ويهي وبسج قرقه بتلفون البيت اذا دقيت وشفته مشغول ياويلج!
انوار نزلت و ركبت السياره وتضحك :خل احط هل cd لوول ...
انوار حركت السياره واهي كانت تسوق طلعت اغنيه اتمنى اشوفك مالت حسام الرسام وقعدت تضحك
انوار : اهم شي واي الاغنيه ترقص احبهااا خل ادق على عبود
هالاغنيه عبود علم انوار عليها وخلاها تحبها وكل ماتسمعها تذكره
انوار بطلت سبيكر : حبيبي اسمع
وطولت على الاغنيه
عبود يضحك: اللللللله ياحقيره !! أي والله اتمنى اشوفك وانتي تسوقين لوووول
انوار تصارخ وتغني : لو انت يمميي لوهسه يمي بحضني اضمك حيل لوهسه يمي محترق دمي .
عبود ميت ضحك : جب انوار اسمالله على دمج مابيه يحترق
انوار قصرت وتضحك : احبك ياخايس
عبود : اموت فيج يامعفنه
انوار تضحك : ويييع جب
عبود : انتي الي بديتي .. ها ماوصلتي
انوار : كا بس خل الف واوصل
عبود : ممم عيل يلا انا اخليج بروح عند اهلي اقعد معاهم
انوار: اوكي .. حبيبي؟
عبود : عيونه ؟
انوار : اذا طلعت مبجر ابي اشوفك!
عبود استانس : اوكي قلبي باي
انوار : باي
انوار دقت على ساره :
ساره : ها وينج
انوار : برااا يلا بطليلي الباب
ساره : اوكيي دقيقه
انوار طلعت وصكرت الباب وشافت ساره وابتسمت
ساره : هلا هلا
انوار : حياتي مشتاقتلج
ساره : دشي
انوار: ها عيل وين فروح وفجور وامج وابوج
ساره : طالعين
انوار : ليش مارحتي وياهم
ساره : مم راسي يعورني يعني المختصر مالي خلق
انوار وساره ظلوا يسولفون وضحك لين صارت الساعه 6 ونص
ساره : دقيقه بس
انوار اخذي راحتج
انوار طلعت تلفونها دزت مسج حق عبود وحطته يمها على القنفه
ساره : هاج
انوار : ساروه شدعوا !! منو بياكل تكفين
ساره : انتي عيل منو واذا ماكليتي بزعل والله
انوار : ويت ساره بروح حمام
ساره تضحك : روحي خو انت ادلين البيت لووول
انوار : أي شدعوا يلا دقيقه
ساره مبتسمه : اخذي راحتج
ساره لفت ويها وشافت انه تلفون انوار يهتز ..
ساره مسكت تلفون انوار وشافت مسج من عبود !!
ساره مابطلت المسج وطلعت تلفونها بسرعه خذت رقم عبود وردته بسرعه
ساره بقلبها : انا مينونه !! استغفرالله شسويت قاعده اخون رفيجتي!!
ساره قعدت تنطر انوار وويها كان متغير
انوار يت تضحك: ها طولت حبييي؟؟
ساره متوتره : لأ
انوار استغربت : شفيج سارون موعلى بعضج ؟ تعبانه ؟
ساره : ممم شوي ردلي الصداع يلا اكلي
انوار : لووول ترا انا لازم اروح الحين
ساره : ليش ؟؟ توج يايه صارت ساعه بس !!
انوار اتسحت : بشوف عبودي!!
ساره قامت تبتسم غصب : صج وين؟
انوار مبتسمه : مادري ابيه حدي مستانسه !!موجنه من يومين شايفته!
ساره : اهاا دوم هل وناسه
انوار : يلا عيل استأذن حبييي
ساره : حياتي ديري بالج
وباستها وانوار طلعت...
انوار ركبت سيارتها وقعدت تسوق وشغلت اغنيه ياحبي افهم وتذكرت عبود لانه اول اغنيه هداها حقها
قبل..
عبود: ممم شفيج؟؟
انوار: عبدالله... سالم قالك شي عني؟
عبود: لأ حتى اسمج مااعرفه ولاعمرج
انوار : ممم اسمي ..
عبود : خالد وخر ويعه لووول
انوار : لووول شكله رفيجك مينون
عبود : سمعي هل اغنيه هذي اهدااء مني لج!وصج هالاغنيه والله والله كل الي بقلبي ومن كلام هالاغنيه قالته بدالي جنه راشد حااس فيني لوووول
انوار : لووول يلا سمعني
ياحبي افهم انك بخافقي شي
وان العيون اللي تحبك سهارى
ياضي عين اللي يحبك وياضي
كل الدروب اللي بعيني حيارى
انت الذي مايشبهك بالملا حي
مالوم من سمّاك سيد العذارى
يابو عيونٍ كل ماناظرت في
اتوه وسط الناعسات السكارى
لاشفت وجهك قلت ياحي وياحي
وجهٍ كساه النور مثل النهارى
انت الحبيب اللي رويت الحشا ري
تروى بك عروقٍ لحبك تبارى
في غيبتك ارسمك لامن طرى لي
جمالك اللي يستحق افتخارا
مدري متى برتاح ياوردة الحي
واشوف همي بعد شوفك توارى
يمكن ليا شفتك نزح همي شوي
ويمكن ليا شفتك جروحي تدارى
والا انت تدري انك النور والفي
وانك يمين ودرب غيرك يسارى
واكبر دليل ان قلت في خافقي شي
ان العيون اللي تحبك سهارى
انوار استوعبت انه تلفونها يرن من بعد ماكانت سرحانه
انوار: الو؟
عبود: ها وينج !!شفيج شكلج سرحانه لوووول
انوار : يمه يني ؟؟ لووول كاني بطريج
عبود يضحك : لووول
انوار : شفيك؟
عبود: لفي ويهج يسار
انوار لفت ويها وقامت تصارخ : انت شلون ييت هني !!
عبود : اوووش لاتصارخيين يلا امشي جدامي بصير البوديقارد مالج عشان محد يتحرش دوسي 80 لانه الصراحه تفشليين لووول
انوار : لوووول يلا مشيت!
عند فهود:
فهود يكلم محمد تلفون : محمد احبها بس تعبت 17 سنه وانا ميت ومليت وانا ساكت
محمد يضحك : سو الي انا سويته !!
فهود ينافخ: اففف ياعبيط من صجي
محمد : اقول جب امش خنطلع
فهود: وين
محمد: مطععععععععععععععععم
فهود : بسك بسك كله مطاعم ... اققوووول
محمد: قول يا ويعه
فهود: ابرار ماوافقت عليك لي الحين
محمد يتناهد : والله لي الحين كل يوم باجر باجر اقولك ياربي ابي اتزوج ابي استقر مليت من مجابل ويهك المعفن
فهود يضحك: جب ياحيوان
محمد: شرايك نقول حق برور وانوار ورزون وسناء ايون معانا ؟؟
فهود استانس إي والله يبيله!!
|