asooh97...

بارت 14...
الساعه 7:45 pm
برور كانت بغرفتها قاعد تتمكيج عشان بتروح عند رفيجتها شيوم..ولاتشوف حمود قاعد يدق

برور : الو؟

حمود: وينج؟

برور تضحك : بالبيت الحين بطلع ليش

حمود يتنهد: اففففف

برور استغربت : شفيك صاير شي

حمود : يعني لازم تروحين

برور تضحك : ليش ؟

حمود : بنطلع كلنا

برور : منو؟

حمود: سناءوو ورزانو وانتي برور وفهود والنزغه عزوز(اخو حمود 19 ) ؟؟

برور: مم الوضع يشوق الصراحه لووووول

حمود: يلا برور !! اول مره نتيمع كلنا

برور : عيل امسح اسم انوار لانها مومني

حمود: لوووول اوكي ! شقلتي حبي؟؟
برور : اف منك ! حزه الحزه تقولي خلاص اوكي ادق على رفيجتي واقولها

حمود: دقي على انوارو خل تي حماره من زمان موشايفينها لوووول

برور تضحك : زين زين باي

برور صكرته ودقت على شيوم

برور واهي تدلع بعبط: شيووووومتي

شيوم : وينج انتي انشالله ماطولين

برور بقلبها :الله يسامحك يا محمد جانك مفشلني ! اف شقول الحين شرقع

شيوم: هيييو ! اكلمج

برور : شيوم لوووول بليز بليز سامحيني

شيوم : شصاير !

برور تضحك : محمدووه توه دق والله وقعد يحن علي انه كلنا بنطلع

شيوم تضحك : زين سامحتج

برور : امشي ويانا!!!

شيوم : جب استحي ماكو شغل

برور : لووول حياتي في 2 اصغر منج بسنتين لووول ماينفع من شنو تستحين

شيوم : جب ماني يايه عهودو بتي وشرفوه بعد يلا تت لوووول احبج باي
برور : حياتي والله c u احبج اكثر بايي

عند انوار:

عبود: برور يلا تعالي؟؟

انوار: استحي

عبود يضحك : اقوول موجنه قبل يومين شايفج بتنزلين ولا انزلج؟؟؟

انوار : زين لوووول

انوار نزلت وقعد وقامت تنافخ

عبود : انتي كل ماتركبين سيارتي تنافخين بس نافخي فديت خدودج

انوار طقت عبود طقه خفيفه : جب

عبود قرب من انوار وكان يبي يبوسها

انوار وخرت وقامت تلعب بسيديات الاغاني

عبود ميت ضحك : خوش ترقيعه نونه

انوار تضحك : جب

عبود : حطي عيونج بعيوني يلاااا

انوار كانت مبتسمه ولفت ويها على عبود وتنحت اب ويها

عبود بصوت واطي : احبج

انوار ظلت متنحه بويه عبود ولمته حيييييل وماكانت بتهده

انوار وخرت عبود : عبوووود!! اهم شي شفيك

عبود مبتسم : دمعت عيوني شتبين

انوار مسحت دموعه : بس عاد انشالله موجذي احبك

عبود يضحك : لمتج حلوه تبجي الواحد

انوار طقت صدر عبود وتضحك : لوول بس ..
انوار: ممكن طلب!

عبود: امري

انوار : ابي اطقك طراق

عبود تنح وويها كان يضحك : انتي مينونه

انوار قامت تترجاه : بلييييييييز بليييز من زمان ودي اطقك

عبود متنح : ليش بطقيني

انوار : لووول يلا حبيبي

عبود ياب خده : انتي حبيبتي مااردلج طلب

انوار راحت باسته وقامت تضحك : شرايك بالطراق

عبود يضحك : اطراقج قوي

فجأه تلفون انوار قعد يرن

عبود عصب : افففف ردي ردي الواحد ماياخذ راحته
انوار: لوووول اعصابك!!
انوار: الو ... ها بروور ... ها

انوار قامت اطالع عبود وتتكلم

انوار: ان..ا إي انا وين توني طالعه من ساروه وبروح الجمعيه .. شنو؟ مابي اروح برور !! تكفين مالي خلق يعني شنو محمد قالج؟؟؟؟ اففف ماني رايحه والله مالي خلق اوكي باي!!

عبود : شفيج وين تروحين؟؟

انوار بعصبيه : برور تقولي محمد عازمنا لانه انا وبرور وسناء وفهود و

عبود معصب وقاطعها : فهود ؟؟ ليش مايفج عنج ابعرف ؟؟

انوار تنحت : شكو عبود فهود نفس اخوي

عبود : مبين شوفي اسلوبه معاج وتعرفين اذذا صج اهو يعتبرج اخته

انوار : اف زين لاتعصب خل اكمل السالفه

عبود يصارخ : لاوالله اخر شي راح يقول انا احبج انوار وابي اتزوجج وراح تزوجينه صح وانا تنسيني

انوار استغربت وعصبت: انت ماتسكت شوي بس تقرق خل اكمل !!
اهو محمد قايل حق برور انه رزون وسناء وفهود واخو محمد عزوز بيكونون موجودين وانا ماني رايحه قالت برور كيفج !!

عبود لف ويه : افففف

انوار : لفيت ويهك ؟؟ اوكي يلا باي

عبود مسك ايدها وقام يطالعها : وين؟
انوار بعصبيه : هد ايدي مابيك وخر

عبود : اهم شي انوار

انوار : جب مابي اسمع صوتك

عبود : انواروه انثبري لا اين عليج

انوار : روح زين

عبود سحب انوار عند ويها وقام يخزها

انوار ادزه : وخر ايدك اففف

عبود : زين بهدج بس ماتطلعين

انوار سحب ايدها ولفت ويها ....

عبود : زعلتي

انوار:لاوالله موجنه انت وايد قاعد تشك فيني ؟؟ وتظلمني بعد؟؟ ترى مصختها

رن تلفون عبود وعبود ظل متنح على الشاشه

انوار : شفيك تنحت رد

عبود : الو؟؟ الوووو

انوار : منو؟

عبود : مادري رقم غريب

انوار : لاااوالله .. ولاحبيبتك الثانيه

عبود خز انوار : جب انوار انا مااسوي هل سوالف

انوار سكتت ...

انوار : عطني تلفونك

عبود : شكو !

انوار : عطني بشوفه بس

عبود يضحك : هاج ترى سوالفج سوالف يهال

انوار خزته ومعصبه : جب

انوار كانت ماسكه التلفون ودشت على السجل والاسماء وخذت الرقم الي دق وسيفته

انوار مبتسمه : هاك حبي

عبود : شسويتي

انوار : انطر بدق على الرقم الي داق

عبود سحب تلفونها : بالله طلع صبي

انوار سحبت تلفونها : لاتسحب اففف

انوار كتبت الرقم وشافت الشاشه اسم Saron!! اهني انوار استغربت وكان ويها متنح حيييييييل وانصدمت وصكرت التلفون

انوار : عطني عطني تلفونك مره ثانيه !!
عبود: هاج

انوار تاكدت انه الرقم هذا رقم ساره ... طبعا انوار راح تفكيييرها بعيد

عبود: شفيج

انوار معصبه وتبجي وحذفت التلفون عليه : ياخاين ياحقير
وقامت اطق عبود بدون ماتحس

عبود يصارخ : هييييييييييو انتي اهدي لاتينين شصاير

انوار تصارخ : اكرهك اكرهك ورقمك مابي اشوفه

انوار بتطلع ومسكها عبود حيييل من ايدها وموراضي يهدها : انتي شفيج مينونه شصاير فهميني

انوار وعيونها متروسه دموع : والله العظيم انخدعت فيك والله
انوار عطت عبود اطراق : انساني عبدالله انساني!! وطلعت من السياره منهاره وركبت السياره وعبود نزل وقام يطق على دريشتها : بطلي انوار بطلييييي

انوار حاطه ويهها على السكان وتبجي.....

عبود يبي يفتح باب انوار بس انوار كانت مقفله الباب

وانوار طالعت عبود وحركت السياره وعبود ركض السياره وقام يلحقها وانوار مومستوعبه إنه عبود قاعد يلحقها ...

انوار واهي تسوق واطق على السكان : مالت عليج ياساره انا اعلمج .. ياخاينه ! ياحقيره شخليتي حق الناس الي ماتعرفني انتي رفيجتي !! تكلمين حبيبي ؟؟ وانتي تدرين اني امووت فيه ومااعيش بدونه بس اعلمج وانت ياعبدالله انت تخوني ومع منو! رفيجتي وتسوي روحك ماتدري شالسالفه وييييع اكرهكم !! ماراح يصير خير والله انا اعلمكم!

عبود ظل يلحقها ومنصدم من طريقه انوار بيشوفها وين بتروح !!

في مشيتي شموخ و اعتدال و مهابه
احب و انحب و اضيعهم بابتسامه
ملكتهم بطيب ذاتي و احترامه
وصيتي قلبي لا تجرحونه امانه

موقادر احب انسان ثاني صرت ما شوف الان حبك عمااااني