زوجي والشغاله ام الشغاله وزوجي والشغاله وزوجي
انا شد ضمائركم وغريزتكم الأنثوية وغيرتكم وأمومتكم ودينكم في السؤال التالي:
سؤال موجه لكل حبيباتي وأخشى أنه سيتم تجاهل الإجابة عن السؤال
ماذا لو طلبت منك إمرءاة في البيت المجاور لبيتك ( بمعنى أخر جارتك ) أن تستضيفيها لوحدها في منزلك لمدة أسبوع على الأقل لأن في منزلها أعمال وإصلاحات وسباكة و إلخ إلخ مع العلم بأن هذه المرءاة سيئة السمعة للغااااية ( ساقطة ) والكل يعرف عنها وعن سوء أخلاقها.
فهل ستقبلين أن تستضيفيها بين أولادك وبناتك وزوجك وتخرجي للدوام أو تنامي أو تزوري احد جارتك أو تخرجي من المنزل لأي سبب كان وتتركينها في المنزل وتأتمنينها على أفراد عائلتك؟
مين تجاوب على السؤال؟؟؟؟؟
أمي ربتنا ماشاء الله عليها بدون شغالة الله يبارك لها في صحتها وعمرها
وزوجتنا والحمد لله كلنا ما عندنا شغالات والحمد لله وما شاء الله موظفات
والدي الله يعطيه العافية ما كان ولا يزال يرفض يقابل أي شغالة تجي مع أي ضيفة عندنا ( يقول حرام أقابلها لأنها عورة ما هي حرمة وإلا ما هي حرمة ههههه) الله يخليه لنا يااارب.
من أيام ما كنت في الإبتدائية كل فرد في عائلتنا يشتغل وينظف والكل عليه مسئوليات الكل له دور في حياة العائلة
الأن بنت الإبتدائي ما تعرف تغسل شرابها. تنادي الشغاله علشان كاسة موية
أساسا هذي الأيام الوحدة مين يوم تتزوج وتجيبلها مولود دخلت الشغالة البيت على طوووول
أكبر إهتمامات ( الاغلبية وليس الكل أكررررر ليس الكل ) المكياج والأناقة والتسريحات
لا وتقول الوحدة أنا أشتغل مستحيل أنا أغسل الصحون والحمام ما أقدر إيديني تصير خشنة
خلاص جيبي شغالة و يديك نصير نااااعمة وحياتك تصير خششششششنة
حبيباتي إيش يجي التعب والتنظيف والطبخ قدام راحت البال والضمير و معرفتك إن زوجك وأولادك وبناتك تحت نظرك وبرعايتك بدل ما تشكي في كل همسة ونظرة.
إش يجي شعور الطمأنينة وإنتي أخذه نعسة بين عيالك وزوجك يقلب في الجريدة أو يتفرج الاخبار أو تذاكري لاولادك وزوجك دخل المطبخ يقلب في الثلاجة أو يشرب موية وما تقولي لنفسك: يا ويلي الشغالة في المطبخ ممكن يا تتحرش يا يترحش. ما أحلاها وزوجك خارج من الحمام بعد الدش وهو لاف منشفة على خصرة بسسسس ويلعب مع أطفالكم ويكلمك أو يستقبل مكالمة جوال بدون ما تقولي لنفسك: وجع في ذيك العيون وإنت شايفة الشغالة تتفرج على جسم زوجك 
نفسي أعرف غيرة الحريم ويييييين راحت
تغارون من مذيعة في التلفزيون صورة متحركة في شاشة ولا تغارون من جسد متحرك في بيتك ( عجبي )
خلي بيتك زي خلية النحل الكل له دور الكل له مسئولية وخليك إنت ملكة النحل
أساسا حيكون في تعاون وحب وتألف بين أفراد العائلة أكثر. ولا راح نسمح بالفراغ القاتل ينهش بأفكار بناتنا وأولادنا
فاطمة رضي الله عنها طلبت من أعظم وأحن البشر صلى الله علية وسلم أن يعطيها خادم يساعدها وقد أثر الحبل في رقبتها فنصحها بأن قبل ما تنام تقول سبحان الله 33 مرة والحمد لله 33 مرة والله أكبر 34 مرة وهي خير من الخادم وتعين على العمل وتعطي الجسم قوة ونشاط
وكان يقدر صلى الله عليه وسلم أن يعطيها بدل الخادم عشرة
وإحنا الحمد لله نجري على مكاتب الإستقدام وندع 10000 ريال وبعد كم شهر يا سفرناها يا سافرت يا شردت ونرجع نجري على مكاتب الإستقدام و ندفع 10000 ريال عااااادي أرواحنا رياضية وضمايرنا ميته و والله لو قلنا ياناس مين تتبرع لبناء مسجد أو ترميم مسجد بـ 10000 ريال لوجدنا وللأسف الغالبية ينسحب من المووضوع أما ندفع لمكتب إستقدام يأكل من تعبنا علشان يجيب لنا وحدة بلوى ندخلها بيوتنا ونوريها أسرارنا ومحنا عارفين شيء عن دينها أو من هي عاااااادي موافقين
يا من شراله من حلاله علة
والله حرام والله الشغالات وباء ومأساة للأسف محنا قادرين نتخذ قرار حاسم لننعم بالحياة المريحة
سمعت عن وحدة ربة منزل يروح أولادها المدارس صباحا ودوام زوجها في الليل يرجع البيت الصباح يعني على تسعة تقريبا هل تتوقعو إنها تستقبلو وتجهزلو الحمام والفطور وتمضي معاه وقت ممتع لا لا لا تخيلو تخيلو تخرج تروح للتحفيظ وتترك الشغالة تستقبل زوجها آآآآآآخر لا مبالة إكتشفت بعدها إن زوجها على علاقة بالشغالة رجعت البيت بدري وشافتهم سوى. قالت حأسفر الشغالة قال سفريها عادي ولعلمك كل الشغالات إلي قبلها كانت لي معاهم علاقات وهي حاضنة عيالها وتبكي. ما كان من الأول حضنتي زوجك وعيالك وإرتحتي وحفظتي القرآن في بيتك.
وللمعلومية كل الرجال كللللل الرجال يقدرو يخرجو من دواماتهم ساعة، نص ساعة أكثر أقل كللللللهم حتى العسكر هههههه. يعني لا تفكري لدقيقة إنه ليس من الممكن ان يخرج زوجك من الدوام ويروح البيت يرجع للعمل ويقابلك في نهاية الدوام راجع البيت عااادي جدا ما صار شيء صح.
حبيباتي ما أحلاها وإنتم خارجين وقافلين باب بيتك وإنتم متأكدين إن ما في أحد وراكم في البيت ممكن يضركم.
و ما أحلاها وإنتم داخلين البيت وقافلين الباب عليكم وإنتم متأكدين إن ما في أحد يراقبكم ويحقد عليكم ويحسدكم.
حكمو عقولكم ودينكم وضمائركم قبل ما تخرب بيوتكم وتندمو والمصيبة ترجعو تكررو نفس الغلطة.
وأكثر نصيحة تجيك إذا إكتشفتي خيانة ( الله يقلعها سفريها وجيبي غيرها إلي جابها يجيب غيرها ) حياتنا وعواطفنا وأولادنا و ذكرياتنا فأر تجارب. للأسف
ياما سمعنا من حكايات الشغالات سحر وشعوذة وحسد وحقد وضرب و خيانات وغيرو وغيرو
والله أنا مليت من هذا الموضوع الممل المتعب للنفسية والقلوب والجيوب والدين
ما راح أذكر قصص فكل واحدة عنها من القصص ما يكفي لكن مين يعتبر
رضمان شهر عبادة خليناه شهر أكل وطبخ. الناس تستنفر تدور شغالات قبل رمضان وكلهم من الحرم ( على قولهم ) وهما أساسا شغالات شردو من أصحابهم والأسعار من ألف وإنت طالع. ليش صارت الأسعار كذا لأنهم عارفين ( سعودي يدفع . سعودي فلوس كثير ) طيب ما شاء الله المنتدى في أفكار وافكار لتخزين وتعليب وتبريد الأطعمة. ويا كثر صحون وملاعق البلاستيك كل الأشكال والأحجام إشتري كمية بس لرمضان علشان غسيل الأطباق. و والله العظيم نص الطبخ في الزبالة الله يكرمكم وما إستفدنا إلا ضياع وقت ومال وما كسبنا إلا الذنب والخساير.
وهناك سر جدا مهم للحياة الأسرية السعييييدة ( وجعلنا بينهم مودة ورحمة ) ( ديننا ما وصانا إننا نغري الزوج باليالي الحمراء والوردي والرومنسية والقمصان الخفيفة وبس ) - على الرغم من أن هذي الأمور صارت مطلب لحياة الرفاهية والإنفتاح الحالية - السر للسعادة هو الحب والإخلاص والديييييين
لا تشبعون عيون أزواجكم لا إشبعو أرواحهم وعاطفتهم ومشاعرهم ( لتسكنوا إليها )
عارفين ليه لأن العين ما تشبع تطلب أكثر (العين بحر ) لكن القلب إذا حب وسكن لشخص معين كل الأحاسيس والعواطف والإحتياجات تكون موجهه لذلك الشخص فقط ولا يجد راحته ولا الإكتفاء إلا معاه.ومع الدين والصحة والعافية والذرية الصالحة ما راح يكون هناك أحلى من هالحياة.
ومهمن حاولتي تملي عين زوجك راح يجي يوم تمرضي فيه أو تتعبي أو حتى تسمنى ههههههه أو تنشغلي وبالإحرى راح يجي يوم تكبري فيه وتعجزي ( تبغية ساعتها يدور الجمال واليالي الحمراء عند غيرك )
وهذي القاعدة ليست فقط مع الزوج لا هذي قاعدة أساسية لكل العلاقات بمعنى لو حرمتي إبنتك من الحب والتفهم والشعور بالإنتماء والإحتواء راح تدور بديل لهذا الفراغ لأن العاطفة مطلب أسساااااسي للإنسان. والله يستر مين ممكن تقابل في حياتها من هالناس إلي ما ترحم.
وللمعلومية كثرة الدق تفك اللحام ( يعني ليس كل الرجال خونة والغالبية ما يدور الحرام لكن المصيبة إذا كان الحراام قدامه رايح جاي رايح جاي والشيطان يوسوس ويرغب ويحلي المعصية والظروف مؤاتية والخلوة موجودة أو ممكنة والطرف الأخر موافق فتقع المصيبة )
عندها بعض الرجال يندم ويتوب ويسفر الشغالة ويمنع دخولها بيته
وبعضهم يندم كم يوم ويتضايق ويكررها ويستغفر كل مرة ويقول خلاص بتوب ويكرر
والبعض يستحلي الشغلة والشغالة
علشان كذا من الناس الذين يظلهم الله يوم القيامة تحت ظل عرشة رجل دعته إمرءاة فستعصم
حبيباتي بيوتكم وازواجكم وأولادكم وبناتكم أمااااااااااانة حافظو عليها بدمكم وقلوبكم وبدعائكم
حياتك وبيتك وعائلتك وردة لا تخليها تذبل
أحبو بيوتكم وعواطفكم وخصوصياتكم
أحبو ما أنعم الله عليكم
أحبو أنفسكم
اللهم إعصمنا وأزواجنا وذرياتنا وأستر علينا
آآآآمييين
أتمنى ما ثقلت عليك وسامحوني
إذا عجبكم موضوعي إدعو لي بالذرية الصالحة وبأن الله يحقق لي أمنياتي في الدنيا والأخرة
أتمنى أشوف تجاوبكم مع موضوعي وأتمنى أسمع آرأكم
دمتم بخير وصحة وعافية وحب وسعاااادة
.,[d ,hgayhgi hl hgayhgi ,.,[d
منذ /10-03-2011, 10:45 PM
زوجي والشغاله ام الشغاله وزوجي والشغاله وزوجي 
العرض العادي
المواضيع المتشابهه