خطيب و خطيبته بيحبو بعض مووووووت




الخطيب : بحبك (يا بااااااي )


الخطيبة : وأنا كمان ( داهية تاخدك )


الخطيب : من آخر مرة وأنا بفكر فيكي ( يارب تغوري من وشي )


الخطيبة : يا حبيبي وأنا كمان ما بطلتش تفكير فيك
( الهي أصبح الصبح ألاقيك متنيل بعيد عني )


الخطيب : أمال فين حماتي مش شايفها يعني
(الحرباية الكبيرة )


الخطيبة : موجودة أندهها لك ( علشان تسم بدنك )


الخطيب : آه طبعا يا حبيبتي وأنا أقدر استغني
( يارب تتكعبل في السجادة وهي جاية )


الخطيبة : ماما تعالي كلمي
( على الله تقولك حاجة ترفع لك الضغط )


الخطيب : أهلا يا حماتي ازيك (الهي ما تكوني بخير )




الحماة : أهلا يا خطيب بنتي ( بلا نيلة )


الخطيب : عندي ليكو خبر حلو أنا لقيت شقة
(الهي ما توعوا انتي وبنتك تشوفوها)


الحماة : ألف مبروك يا حبيبي ( ياما جاب الغراب لأمه )


الخطيب : حنروح نشوفها بكرة إيه رأيك يا حبيبتي
( على الله تتكعوري عالسلم وانتي طالعة)


الخطيبة : وماله طبعا لازم نشوفها
( أكيد قد الحق وفي منطقة معفنة )


الخطيب : على فكرة يا حماتي ( جتك حمة)


الحماة : إيه يا خطيب بنتي ( خطيب الشوم والندامة )


الخطيب : أنا كنت عاوز أقابل عمي علشان كتب الكتاب
( عمي قال عمي قال ده انتي اللي عمي )


الحماة : وماله يابني بس مش لسة بدري
( جتك نيلة مستعجل على ايه )


الخطيب : ما هو خلاص يا حماتي احنا قربنا
(يا ريت ترفض علشان افركش ام الجوازة دي )


الحماة : طيب يابني لما يجي عمك حأقوله
( جتك نيلة علشان نستريح من زيارتك الغلسة )


الخطيب :طيب يا حماتي أنا حامشي دلوقتي
( افففففف انا اتخنقت من الولية دي )


الحماة : ماهو لسة بدري ( في ستين داهية )


الخطيب : باي يا حبيبتي ( حبك برص )


الخطيبة : مع السلامة يا حبيبي ( البلد اللي تودي )


الخطيب : كلميني في التليفون ( يا رب يقطعوا الحرارة )



الخطيبة : أكيد يا حبيبي ( غور بقى )


أكيد هدول بحبو بعض موت
الاسباني