منتديات شموع - عرض مشاركة واحدة

عازف الليل · 03-31-2008, 07:24 PM

مساء الخير

اليكم هذه المشاركه وآمل ان تنال على رضاكم واستحسانكم واعجابكم وهو الاهـــــــم

((( هذي بعض الابيات النبطية )))

عزي لمن جاله ورى النذل حاجة
ياعنك ماحده زمانة على خير

الموت ماهو لاتكفنت بتراب
الموت لافارقت حي تحبه

من يشتري قلب همومة ملايين
ويبيعني قلب من الهم خالي
عجزت أعدل مايلات الموازين
الى اعتدل ميزان ميزان مالي

لاتفرحين بضيقة الخلق يابنت
بكره تبدل ضيقتي بابتسامة

وقت الشدايد خلني سيف يمناك
وابشر بعزك كل ماصرت سيفك

لابد من يوم يجي وتواجه الدمعة
اما على جيتي والا على فراقي

توقعت ان بفراقك تقوم الدنيا وتقعد
واثاري الفرقى عادية ولا حسيت بفراقك

انا السماء وانتي مثل واطي القاع
مهما كبرتي بالمساحات تحتي

وش فيك في لحضة تغيرت وأقفيت
منهو الجديد اللي عطيته مكاني

حبك بقلبي مثل وشمن على كف
يموت راعي الكف والوشم باقي

احرص على اللي دايم الدوم شاريك
واحذر من اللي لاقسى الوقت باعك

انا اذكر يوم جيتيني وبصدرك نزيف طعون
سحبت السيف ابفزع لك وبسيفي طعنتيني

كمل جميلك واحفر القبر لاهنت
وشلون اعيش بدنيتي دون لقياك

ما كل من حبيتي يذكرك بالخير
بعض البشر بنساك من يوم تمشي

عادي معك ابقى وعادي اخليك
مثلك مثل غيرك مجرد صداقة

من كثـــر رقتهــــــــــــا والنعومة
كن النسا من حولها مسترجلات

نسيتني في زحمة افراح دنياك
حتى سلام الله تكاثر تـــــقــوله

((( هذي بعض الابيات المقلعة )))

كنـّك و كنـّي ياحبيبي مصاقيل
كلما إنتلامس .. نبتعد وإنتفارق

قلبي قبل فرقاك ما ينقص الزيت
واليوم ازيده في كل مشوار علبة

زفيتها قلت اذلفي ولاتردين
ويلعن ابوها صدقتني وراحت

الحب قطع قلوب البعارين
حتى الحمير السود يلعن جدفها

ان لم تكن في كل الامور ذا عزيمة
فما عندك اليوم ماعند جدتي

ارخ ريـالك يرتخــي كل مزيــون
قــرش يهــز الصــدر ماهو خســارة

قالت باصيف بين لندن ومدريد
وانت ياحبيبي وين ناوي تصيف
قلت اسمحي لي بالعذر والتناهيد
الله يخلي غرفتي والمكيف

انت الحلى والناس جنبك ولاشي
مثل الجالاكسي بين توفي وغندور

أحزن على فرقاك مثل الوراعين
لآ مروا الدكان وأسرع أبوهم

وتحياتي للجميع واعذروني على التقصير
وياعله خير