السلام عليكم ورحمة الله وبركاته

اخواني و اخواتي اعضاء منتديات شــمــوع

اليوم اقدم لكم ديواني الشعري

اخـوكم / مــبآركـّ

و اتمنى ان ينال على اعجابكم

--------------------

( يا بو حمد )

يابو حمد صارلـي حـول عاميـن
وأنا اتحرى مـن الحبيبـه جوابـي
الجادل ألي قفت ولادري على وين
من أسبابهآ ياخوك تزايـد عذابـي
عزالله إني من فراق أريش العيـن
صرت أنا والسهر يافيصل أحزابي
أسهر مع طيفها والعـرب ممسيـن
وإن خيروني بغيرها قلت مابيه مابي
ذيك لاشفت زولها نطقـت بهليـن
وعن غيرها ياخوك صكيـت بابـي
اسمها بالقلـب طابـع مـن سنيـن
ومن زود حبها صارت اعز احبابي

--------------------

( الطرف الكحيل )

بسم الله بديت قصدي ذا الحين
يالله الواحد الي كل الملا تشكيله
اشكيله من فرقا سيد العذارى المزايين
الجادل ابو العيون الكحيله
من يوم فارقته و قلبي على نارين
نار حبه و نار فرقاه الطويله
نار حبه الي تحرق بالشرايين
ونار فرقاه ولعت بقلبي فتيله
اطلب الله يرجع شملنا عاجلين
واشوفه و اناظر عيونه الجميله
اليا نظر لي بعينه ضيع بالملايين
واليا لعب لي بحاجبه شتت قبيله
والخاتمه اصلي واسلم على خير المسلمين
الرسول محمد خير الفضيله

--------------------

( الغربه )

يا بدر يازين كويتنا من بين البلدان
لابعت عنها يابدر عذابي يزيـدي
الغربه يابدر شبت بالقلب نيـران
ياليتني عن ديرتي ماني ببعيـدي
من أول بالديره قريب من الخلان
واليوم بعد المسافه وحاجز حديدي
قلها يابدر ((مبارك)) تراه تعبـان
وعلاج الطبيب له يابدر مايفيـدي
ادواي يابدر شوفة داعج الاعيـان
ألي يبعد الهم والحال يصبح جديدي
هاذي أبياتي يابدر ماني بزعـلان
ليتك تقول يابدر وتوصلها عنيـدي

--------------------

( بلغه بالرسايل و المسجات )

فكرت أصوغ أبياتـن جزيـلات
لعيون منهو علـى البـال طـرى
أصوغ له أبيات شعرن جميـلات
للي سلـب عقلـي وفيـه سـرى
أبغيه يذكر معي اجمل اللحظـات
وبغيـه يرجـع معـي لـلـورى
وبغيه يافيصل يذكر وقتـن فـات
كم مرتن عنيت له وهو مـادرى
لكن النصيب من الرب السماوات
وهذا النصيب وعفت انا الكـرى
لكن يافيصل قله لو من حبه مامات
يبقى حبه موجـود فـوق الثـرى
بلغه يافيصل بالرسايل والمسجات
يمكـن يرفـق بحالـي يـاتـرى

--------------------

( آه و هنيّك )

آه وهنيك يافيصل يـوم شفتـه
شوفته تفرح القلـب الحزينـي
هذا نصيبي منحرم من مناظرته
وانا اتمنى شوفته لي سنينـي
تكفا وتكفا يافيصل كان طالعته
حاول انك يافيصل تتصل فينـي
هذا مطلبي منك ولـك رددتـه
وبغي انه يكون بينـك وبينـي
تكفا ورددها لك لاتقول نكبتـه
ابغي سوالفه وعلومه تجينـي
بالخاتمه اطلب من رب(ن)عبدته
يسعد ويفرح حياتك يانور عيني

-------------------

( بنت الحرام )


أكتبلها أبيات شعرن وانا سعيدي ** واثري بنت الحرام مع غيري سعيده

اكتبلها شعرن من قلبي جديدي ** واضبط لها قيفان لعيونها السود الفريده

هذا جزاي يوم انا اكتبلك قصيدي ** وابدع لك في كتابات الشعر الجديده

واليوم ياخاين روح وابتعد بعيدي ** وابتعد في درب الهلاك وخليكي وحيده

الحب ماعرفيته يوم ايدك بيدي ** نجستي ايدن مدت لك بالعطى يابعيده

وانتي بعيده عن درب الحب المجيدي ** وانتي خساره فيك كلمه مفيده

وبالخاتمه أطلب من ربنا رب العبيدي ** استغفره واطلبه بـ كلماته الحميده

ياربـي تغفـر لـي ياربـي ياحميـدي ** احمدك ياربي على الحياه المديده

--------------------

( حشمت نفسي )

حشمت نفسي عن كل خاين وخداع
وصديت عن من تجاهلني وخلانـي
من أول انـا كنـت للحـب طمـاع
أخلصت لكن في الآخر ربي بلانـي
صد عني وليفي ولغيري صار سماع
سمع بي هـرج أشكـال وألوانـي
من العاذل أللي خلآ القلـب ملتـاع
ماهمه غير قـال أفلانـي وفلانـي
وأنا حبيبي ماكان للعـاذل نصـاع
لكنهـم لبسـوه تهمـت الجـانـي
وهاذي آخر أبياتـي والأستطـلاع
روح مع مـن فكـر يهـز كيانـي

--------------------

( سلامي للمنتدى )

سلامي لأهل المنتدى ذربين الايمان ** أهل الوفاء وأهل العلوم الجزيله

ياصاحبي مانسيتك لو كان ماكان ** ياصاحبي مواطيك انت تسوى لها قبيله

لكن علي الحذر في بعض الاحيان ** من شان ياصاحبي ماتلحق بك الفشيله

هذا كلامي وافهمه ياداعج الاعيان ** يابو الجديل الاشقر والعيون الكحيله

والمنتدى له مني كل احترام وحسان ** به ارجال ياصاحبي ترقى الطويله

بالكويت ولا السعوديه وباقي الاوطان ** قدرهم علينا وفوق الراس نشيله

مالي بالرديه وسوات بعض الوغدان ** اللي علومهم كلها ياصاحبي هزيله

ويالله انك تبعدني عن كل خوان ** وتقرب لي اهل الوفاء والعلوم الجميله

--------------------

( ضحى العيد )

ياهاجسي أبدع بأجمل القصيد ** من شان خشفٍ(ن) نبيه ويبينه


هات لـه من ضامـري كل جديـد ** لا تبخـل علـى بـو العيـون الزينـه


خشفٍ له بقلبي معزه وتمجـيد ** لا شفته قلت العرب وينهم ووينه


في وقفته كنه مع ملوك وصناديد ** وفي مشيته كن الملوك تابعينه


هذا الجمال اللي يجيبنا من بعيد ** وهذا الدلع وهاذي المشيه الرزينه


ومبارك اللي شافها في ضحى العيد ** كني في جنة الخلد والطمأنينه


أستغفر الله في هرجي ماعاد اعيد ** وأستغفره كان في هرجنا اخطينه


يالله ياربنا يـارب العبيـد المسـاجيد ** يالله يـاواحدٍ عليه سـرنا أبدينـه


تفكنا من عين وشـر كـل الحواسيد ** وتفكنا من شر كل شـين وشينـه


وبالـخاتمه يـاللـه يـارب الـمعـابيـد ** تبعد عنا همزات أبليس وشياطينـه

-------------------

( الدوام )

حسبي على الدوام كانه لعب بحالي ** والضابط مكروه ولا يرحم الحال

اسهر في ليلي كني بالخـلا الخـالـي ** جالس طول ليلي ومشغل البال

علـى حـبيبٍ احـبه وأهـو فــي بـالـي ** صاحبٍ لي كل ماطرتيه دمعي سال

واليوم انا بالجنوب وصاحبي شمالي ** فرقتنا الاقدار والكل في طرف جال

ابعدوها أهل النميمه والقيل والقالي ** ناسٍ على فرقا الولايف طبعهم مال

وانا خابرها بنتٍ بهرج العرب ماتبالي ** فيها من طيب عمها وجدها والخال

بنتٍ شجاعه مامشت درب الجهالي ** وفيها الجمال اللي مايشترى بالمال

يالله بالمعبود ياعـلـم كـل مــآجـرالي ** يالواحد اللي تبعد الهم عني ولو طال

--------------------

( قلبي من الحب منصاب )

ياناس قلبي من الحب منصاب ** صابته الهنوف ام العيون الجميله

والقلب من سبايبهم صار صباب ** وبه البساتن تفزع وين الدخيله

هاذي علوم القلب بالحيل ماطاب ** وهاذي هواجيس القلب وعزتيله

اما عيوني اللي دمعها بين الاهداب ** يسكب كما سكب السحاب بمخيله

على وليفن عقبه الراس قد شاب ** اقفى وخلا الحال عقبه نحيله

وياليت من يكلمه ويطرق الباب ** يشكيله حال مبارك ويشتكيله

وهاذي طرات العمر يامجمع الاحباب ** ياجعل يهتني كل خليل وخليله

وبالخاتمه صلوا على خير الاصحاب ** الرسول محمد راعي الفضيله

--------------------

( غضين ألبان )

ياناس قلبي من هوى البيض تعبان ** بالله يآ اهل المنتدى ويش الطريقه

اشوفهم بالسوق ولا بـ وسط خيران ** نظراتهم ياناس شبت بي حريقه

شبت حريقه بي وانا العاشق الولهان ** نارهم بوسط القلب ودموعي غريقه

عيونها ياناس كما عيون فرخ الشيهان ** ونظراتها لي نظرات الشفيق لـ شفيقه

تحبني واحبها حب الملاهي للبزران ** يوم الملاهي فتحت ابوابها للصديق وصديقه

تعشقني واعشقها عشق المعركه للشجعان ** كل شجاع يرفع الصوت بعالي شهيقه

كيف أعمل يا أهل المنتدى مع غصين ألبان ** أللي عشاني يمشي بالدروب العميقه

--------------------

و الختام سلام

المشاركة الأصلية كتبت بواسطة {اسيرهـ الخيآل ~ وعليكمَ آلسُسُلآإم وش آقوول ووش آخليُ تميز تعودنآآهـ منكِ قصآئٍد قمـه في آلروعـه .. آعجبتني آبيآآت كثيير بس هذيُ .. خيآآآآآآآآآل قووويــه .. وعجييبـه | شآعرنآإ لآتحرمنآ من جديد يمنآآكَ سُسُلمت ع هآلذوؤق تستآهل آلتقيم + 5 ستآآرز وآصُصُل إبدآعآتك بإنتظآر فيض قلمكَ بـ كل شوق

آهلين اسيره

منوره ع الطله

اسعدني مرورك وفرحت بتوواصلك

لاخلا و لاعدم

نورت الديوان وقصائده

دمتي بحفظ الله

المشاركة الأصلية كتبت بواسطة حلا الكويت انا لو اتكلام مادري شنو اقول لانك شعر وكفو ومن قبيلة شعراء وما غريبه عليك هذي الابيات وتسلم ايدنك علي الديوان الاكثر من الرائع والله يعطيك العافيه علي تميز وابداعك دمت بود والك احلي تقيم +++

آهلين حلا الكويت

منوره ع الطله

اسعدني مرورك وفرحت بتوواصلك

لاخلا و لاعدم

نورت الديوان وقصائده

دمتي بحفظ الله

كلآم رآئع ورآقي

يعطيك ألف عافيهـ

ما ننحرمـ من مواضيعك

دمت بود ,,,

المشاركة الأصلية كتبت بواسطة سنيورهـ والله بجد مادري وش اقوول ..! ان قلت روعه ماتكفي وان قلت قمه الروعه بعد ماتكفي.. بصراحه ابدعت ابدعت ابدعت مبارك ., وربي ديوان غير يجــــــــــــــنن وعجبتني جميع الابيات .., واصل هـ الابداع خيوو ولاتحرمنا جديدك ..~

آهلين سنيورهـ

منوره ع الطله

اسعدني مرورك وفرحت بتوواصلك

لاخلا و لاعدم

نورت الديوان وقصائده

دمتي بحفظ الله