قصيدة الشاعر ملفي المورقي العتيبي

10-25-2007, 05:18 AM

قصيدة الشاعرالكبير / ملفي المورقي العتيبي ...

لمزاين قبيلة عتيبة ( الهيلا )

ياعيدنا اللي صاير(ن) بيـن عيديـن
بين رمضان وبيـن عيـد الضحيـة
جعلك تعود ليال وشهـور واسنيـن
وحنـا بخيـر ولا رزانـا رزيــه
نعم بنعـم الضافـي الأمـن والديـن
ماعنـدنـا بغـضـا ولا مكرهـيـه
في ظل ربـي ثـم بظـل السلاطيـن
العادليـن اللـي ذممـهـم بـريـه
حكامنا الوافين فـي العسـر والليـن
فـي حكمهـم كـل القبايـل سويـه
وحنا لهـم طـول الليالـي مطيعيـن
علـى كتـاب الله وسـنـة نبـيـه
من عهد أبو تركي مقـر الموازيـن
اليـا عيـالـه طيبـيـن السجـيـه
متكاتفيـنـن كلـنـا ومتصافـيـن
الـرأي واحـد والضمايـر نقـيـه
سوات هذا اليـوم فالمحفـل الزيـن
اللي حضرنـا فيـه مـن كـل نيـه
في أربع ميه وإلف وثمنيه وعشرين
في شهر عشره وسط نجـد العذيـه
مسجل(ن) فـي قلوبنـا والدواوييـن
مايمحـي مادامـت الشمـس حيـه
مزايـن الهيـلا للأبـل المزايـيـن
أهل الحـلال اللـي قليـل(ن) حليـه
سود(ن) وواضح(ن) غاليات المثامين
وشعل(ن) وصفر(ن) فيهن الجاذبيـه
نسع الغـوارب ضافيـات العرانيـن
وظهورهـا فيهـا تقاعـس شويـه
معمقـات(ن) مـن خيـار البعاريـن
ماحولـت فيهـا الزمـول الـرديـة
ومن السطر فيهـا تـدك المياديـن
عسكـر ولـو ماتعـرف العسكريـه
تعمل عروض خلاف ويسار ويميـن
تقـول راعيهـا مــدرب سـريـه
والوحـده منهـا تراعيـه بالعـيـن
تقول تضـرب لـه سـلام وتحيـه
ماجـات معنـا بالتسلـف وبالديـن
والا عطـن مصفـوط والا هـديـه
اللي ورثها من رجـال(ن) مسميـن
وصية(ن) يوصـي عليهـا وصيـه
واللي دفـع فيهـا مئـات الملاييـن
ويقـول مهمـا سقـت فيهـا بليـه
والبـل تـرى ماتؤخـذ الا بثنتيـن
شي(ن) مجرب من علـى الجاهليـه
أمـا بنثـر الـدم يـوم الأكـاويـن
ومصافق الفريـس صبـح وعشيـه
والا قناطير الذهـب والذهـب ويـن
يخلـي النـاس الفـقـارى غنـيـه
وحنـا كسبنـاه مـن أول وذلحيـن
بالجهـد وعـزوم الرجـال القويـه
وقمنـا بواجبهـا كـلام(ن) بتثميـن
واللـي يسـوي مثلنـا حـي حيـه
مرباعنا عرعر وأبا القـور ويميـن
اليا الحجـر ومـن تحتهـا شويـه
وأن صار للصيف المبكـر وداديـن
علـى العبـال الشاسعـات الخليـه
جاتك تخافـق مخزيـات الشياطيـن
تبغا الجنـوب اللـي تطـارد نصيـه
وأن صار يامشكاي وجه الدهر شين
وضاعت علوم اللي يسـوق المطيـه
علـى مصارفهـا بربـي قويـيـن
نـدرك عشاهـا لـو نباتـه وقريـه

مع اطيب أمنياتي للجميع

10-28-2007, 10:54 AM

آميرٍ

شآعرٍ غني عن التعرٍيف

مشكـــور

وتقبل م ـروري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آمـي تقووول خذوهآآ ما أبغاهااا :(	كرآعين نملهـ	♣ محطة وصول الأعضاء الجدد ≈	17	08-21-2010 03:02 AM
تجديد عقد حسن العتيبي مع الهلال لثلاث سنوات قادمة	.صـدى المشـتاّق.	♣ صدى الملاعب - رياضة - كورة - اهداف ≈	3	04-13-2010 12:09 AM
العتيبي يرفض عرض الهلال وامامه الاحتراف الخارجي ام الاعتزال	.صـدى المشـتاّق.	♣ صدى الملاعب - رياضة - كورة - اهداف ≈	4	04-11-2010 04:03 PM
عاتبوها <<الشاعر حامد زيد	حلا الكويت	♣ شعر - ابيات - عتاب - حب - رومنسية - فراق ≈	25	02-19-2010 05:37 AM
إلـى أمـي الـ ع ـزيزـهـ..}	UŋBяеакάвŁэŞ● dάŋơ	♣ فضاء بلا حدود ≈	15	09-14-2009 05:35 AM

الذين يشاهدون محتوى الموضوع الآن : 1 ( الأعضاء 0 والزوار 1)

إهـداءات شمـــوع

قصيدة الشاعر ملفي المورقي العتيبي

♣ شعر - ابيات - عتاب - حب - رومنسية - فراق ≈