08-03-2010, 10:48 AM
| #1 | |
 
 | 
قصة واقعية مؤثره جداً هذي القصة وااااقعية ومؤثره جداً نقلتها لكم لتعم الفائده!! بسم الله أبدأ ......... أعرفكم على نفسي أولا .. أنا من عائلة محااااافظة .. ( ومتشدده و أحيانا معقده ) تخرجت من الثانوي بنسبة سيئه لا تؤهلني للجامعه ومرت ثلاث سنوات وأنا في البيت نوم وأكل وأكل ونوم بالإضافة لشغل البيت.. طبعا لا طلعات ولا صاحبات ولا تليفون ملييييييت ... تقدم لي واحد من معارفنا شاب في سني تماما... معروف عنه الغباء وضعف الشخصية وكان هو أول شخص يتقدم لي بصراحة ترددت رغم إني كنت قرفانه من وضعي ونفسي أتزوج اليوم قبل بكرة المهم ما رديت عليهم فترة طويلة وأنا محتارة أبغى أفتك من البيت طلعات وتماشي وفلة وفي نفس الوقت ماني مقتنعة بشخصيته.. إلين مره هزأني أبوي ما أتذكر على إيش وإتخذت قرار ووافقت على العريس طبعا أبوي من النوع الشديد ما كان يسمح بالمكالمات في فترة الملكة.. فما كان بيننا علاقة حب مع إني جدا رومنسية وكنت دايما أتخيل كيف نتكلم وإش نقول وإش ممكن نسوي .. المهم صار الزواج بشكل عادي جدا يوم الزواج حسيت بالندم وإني تسرعت بس خلاص المعازيم في الصالة وصرت أهدي نفسي و أقول يمكن إحساسي بسبب توتري من هالليلة .. وأخيرا صرنا مع بعض لوحدنا في السيارة وطول الطريق للفندق ما قال ولا كلمة تخيلوا حتى يوم ركبت السيارة سلمت مارد علي.. ولما دخلنا الغرفة كنت أحاول أتمالك نفسي وأهديء ضربات قلبي بس مافي فايدة حسيت إنها تنسمع من آخر الشارع .. وبرضوا أخينا ولا كلمة .. بس حسيت إنه تنح يوم كشفت وجهي وأخييييييييرا نطق ... ولييييييته ما نطق بصراحة كانت صدمة عمري ... كنت متخيلة قد إيش هالليلة راح تكون رومنسية وودلع.. بس إللي صار إنه قال شوفي يابنت الناس أنا إنسان أبغى زوجتي تطيعني وتكون مؤدبة وماعندي دلع ولا تفرض رايها عليه وأهم شي الصلاة وأسرارنا لاتطلع برى .. ويلف الشريط ويرجع يقول أسرارنا لاتطلع برى ... في البداية ذهلت من كلامه .. بعدين حزنت عليه لأني حسيته مره غبي وجالس يسمع الكلام إللي يحفظوه هوه من يوم ما خطبني .. بعدين بدأ الحزن يتحول لغضب مكبوت .. بس منزلة راسي ومستحيه.. وأنا أغلي من داخلي.. بعد ما خلص كلامه حسيت إنه إرتاح لأنه سمع الدرس تمام .. وبدأ في الخطوة إللي بعدها.. قال ما تبغي تفسخي فستانك قلت إلا .. بس ممكن لو سمحت تطلع برى الغرفة شوية .. طلع بدون ما يكلمني .. قفلت الباب وأنا بتجنن من أسلوبه والله خلاني أحس إن حتى الخجل معاه ماله داعي فسخت فستاني وغيرت ملابسي ومسحت مكياجي وحطيت مكياج خفيف وتعطرت وفتحت الباب وجلست على طرف السرير .. جاء السيد جلس جنبي بس مو مره وبرضه بدون أي كلمة ********كذا بدون أي مقدمات.. ما قدرت أتحمل .. صرخت .. بكيت.. دفعته عني.. يمكن كثير بنات يبكوا في هذي الليلة بس من الخوف أو التوتر أما أنا بكيت لأني حسيت إنه طعن كرامتي بتصرفه .. ليش يعاملني كذا أنا إنسانه مو حيواااااااانه عشان ينام معايه بذي الطريقه.. ما أعرفه ولا يعرفني .. حسيت إني أكرهه وأكره نفسي وأكره أهلي ... حاول .. بس ما خليته .. وقلت يمكن ما فهم .. كلمته بس ما قدرت أقول إن إعتراضي على طريقته قلت أنا تعبانه ومرهقة وإنت كمان تعبان خلينا ننام ذحين وبعدين لاحقين على كل شي .. كنت أبغى أكسب وقت.. وبالفعل شكله ما صدق إني أعفيته من الواجب ( يفكر كنت بموت عليه ) نام على طرف السرير و أنا على الطرف الثاني شوية وأطيح من حافة السرير .. ماقدرت أنام رغم إني بموت من الإرهاق.. إتسحبت بشويييش وطلعت للغرفة الثانية وجلست على الكنبه أحاول ألقى حل للمشكلة .. ما جاء الساعة 9 إلا وهوصاحي زي العفريت .. ولما صحي إش تتتخيلوا قال : ( صباح الخير/ ماني مصدق إنك معايه/ مبروك يا أحلى عروسه/ نمت كويس؟ ) لاااااااااا ما قال ولا شي من هذي كلها .. قال : مافي فطور ؟؟ بمنتهى البلاهه يسأل مافي فطور !!! من فين أجيب لك فطور .. إبتسمت (وانا بموت ) وقلت صباح الخير .. إرتحت في نومك ؟؟ قال إيوه وكأنه إنتبه إنه ممكن يتكلم معايه كلام عادي .. مش محفوظ !!! خفت يتذكر الواجب فاقترحت نطلع نفطر برى .. طلعنا وفي الطلعة قررت إني ألطف الجو شوي.. جلست أسولف معاه وأسأله عن أشياء وعن حياته .. وشوي شوي صرنا ناخذ ونعطي مع بعض.. ما رجعنا الفندق إلا في الليل.. وللأسف للمرة الثانية على التوالي تتكرر نفس المأساة .. وما قدرت نهائيا أسلم نفسي له بهذي الطريقة الهمجية والغريب إني إعتذرت بنفس العذر وتقبله بنفس الطريقة ... هذي الليلة نمت على طرف السرير وقدرت آخذ غفوات متقطعه .. بسيطة وحذرة .. ولما صحينا طلعنا وفي الليل كنا معزومين في بيت أهله عزيمه كبيرة فيها كل أقاربهم.. وأنا هناك جات أخته الكبيرة تسألني ... ... إنحرجت بالمرة وما توقعت أحد يسألني هالسؤال .. صرفت الموضوع بذكاء ومارديت عليها .. شوي إتصل علي قال تعاليني في غرفة أمي أبغاك ضروري وكان صوته زعلان.. إستغربت ولما دخلت الغرفة كان جالس عالسرير ..قال قفلي الباب وتعالي بقوللك شي .. قفلت الباب بس والله ماكنت متخيلة إللي كان بيسويه.. .. ما قدرت أرفع صوتي وجلست أترجاه وأترجاه ووعدته إني ******من شي .. وبالموت وافق .. طلعت من الغرفة والدنيا تلف فيني.. بس لاحظت الجو كان غريب كأن الكل عارف باللي حصل.. طلعنا من عند أهله وفي الطريق حاولت ألطف الجو يمكن ينسى أو أضيع السالفة كان يتكلم معاي عادي بس أحسه مرررررررررررركز في اللي في باله وما يبغى يتشتت .. وقف عند الصيدلية ونزل شوي جاء وما معاه شي .. سألته خير فيك شي .. تشتكي من حاجة؟؟( بلهاء ) ... رد علي لا بس أحس عيوني تحرقني واشتريت قطرة ولما دخلنا تعابير وجهه كانت تدل على إنه مصمم.. فقررت أتغدى فيه قبل يتعشى فيه وهيأت نفسي لتقبل الأمر .. غيرت ملابسي ولبست لبس حلوو وناعم ومكياج خفيف وجيت وهو في الغرفة جلست جنبه ومسكت إيده ... طالعني وعيونه بتطلع من مكانها وحسيت إني حركت مشاعره.. كلمته ... ما كنت قادره أقول إنك المفروض تسوي كذا وكذا .. خفت يقول عني ....... لفيت حول الموضوع وقلت إنه إحنا ما نعرف بعض بشكل كافي وإني أستحي منه وإنه المفروض يصبر عليه وشويه شويه أتعود على قربه مني .. بدأ الجو يتوتر وصرت أحس كل شي حولي مكهرب قربت شفايفي من يده وأعطيتها بوسه صغيره ( دليته عالطريق عشان يمسك الخط ).. قام هو رد على البوسه ببوسه على خدي كل همه ينتهي من المهمة وياخذ الدليل.. وفعلا صار اللي يبغاه.. صرخت ألم وقهر**** كان قميصي معدوم.. قال أشوف وجاء يفتش عن الآثار عالسرير.. قال قومي غيري ملابسك ... كنت محتاجه حنيه أخذت ملابس ودخلت الحمام أستحميت بمويه مخلوطة بدموعي ..ولبست ولما طلعت لقيته لابس ثوبه و يدور عند باب الحمام.. كان في يدي القميص إللي صارت فيه الحفلة قال أشوف القميص.. أعطيته بدون ما أطالع في وجهه... إش تتوقعون سوى ؟؟؟؟؟؟؟؟؟؟؟؟؟؟؟؟؟؟ بدون أي كلمه خرج وخلاني لوحدي ... (راح الأخ يبشر أهله ويوريهم إنجازاته) شكيت بس قلت مو معقول لهالدرجة يمكن راح يودي القميص المغسلة ( أضحك على نفسي ) .. زعلت ونمت ولما جاء سويت نفسي مو حاسة فيه وإتخمد ... كنت طول ذيك الليلة أنام وأصحى أفكر كيف بتصرف معى هالبلوى ... خلاص أنا فيها لازم أحاول أعدل حياتي وأوصل معاه لحل .. في الصباح طلعنا وكان يتكلم عادي وما يجيب سيرة الليله إللي فاتت وحاولت أكون عادية معاه وبعد الغدى تكلمت معاه وقلت إنت أول ليلة في زواجنا تكلمت عن خصوصيتنا وأسرارنا إللي المفروض ما أحد يعرف عنها شي .. وأنا أحترم هذا الشي وأوافقك عليه 100 % لكن ما توقعت إني بذكرك بكلامك بعد ثلاثة أيام سألني وش تقصدين .. قلت البارح أنا عارفة إنك رحت لأهلك توريهم قميصي وما أخبي عليك قد إيش زعلت لأنه إذا ما نقدر نحتفظ بخصوصيتنا في هذا الموضوع بالذات ماراح يهم أي شي ثاني .. إرتبك وقال لا والله رحت (يابنات إنتبهوا للصاروخ إللي بيجي ) قال رحت أشوف القميص في المصعد عشان الإناره قوية .. كان نفسي أذبحه بيديني.. حتى لو يعتبرني مجنونه المفرض ما يكذب علي كذبة زي هذي .. ما فوتها له وناقشته وضغطت عليه .. قلت إنت منت مضطر تكذب علي أنا عندي عقل وأقدر أفهم .. بس قوللي ليش سويت كذا .. كنت أتكلم معاه بهدوء وتفهم .. يمكن هذا إللي ريحه وخلاه يفتحلي قلبه .. قال إن أهله دايما يصتصغروه ويقولوا منت رجال ومن هالكلام .. ومن يوم خطب وهم يقولوا راح تفشلنا مع البنت وأهلها.. (ذكروني أقول لكم إش سالفة الصيدلية والقطرة اللي إشتراها) بصراحه كسر خاطري ونسيت كل إللي سواه فيني من يوم الزواج وقررت أساعده وأعلمه لأنه جاهل (جندي وبشهادة إبتدائية) ومن وقتها بدأت أكسر الحواجز وأضحك واضحكه وأحاول أرجع لطبيعتي وقلت له إنه خلاص لا يشيل هم كلامهم وإنا راح نساعد بعض في الحياه ونستر على بعض وووو رجعنا بيتنا ولما جاء وقت النوم حاولت ما أكون بعيده زي كل ليلة على طرف السرير .. جاء جنبي وكان يبغى... قلت خلينا نسولف شوي .. وفي هالوقت علمته كم حاجه نمشي حالنا فيهم إلين يجي الفرج ههههههه وبعدين سألني كيف أعرف هذي الأشياء .. قلت بعد ما خطبتني بدأت أدور وأتعلم عشان ما أكون جاهلة في هالموضوع.. ( كذابة .. طول عمري أحب أشوف الصور الرومنسية والبوسات والأحضان ) سألته وإنت ما عمرك شفت أشياء زي كذا .. قال إلا أشوف نادرا إذا رحت عند أحد وكان مشغل فيلم ( على فكرة ماعنده أصحاب وبيتهم ما فيه إلا قناة السعودية ) بس يعني هذي الحركات للأفلام بس .. حسيت إنه يحس بنوع من الذنب لما يتكلم عن هذي الأشياء (تربيته كانت مره شديده ) .. المهم سوى إللي في راسه وإكتشفت شي جديد .. ما يقدر على ال........... ( أكيد عرفتوا سالفة الصيدليه ذاك اليوم ) طبعا ما تكلمت معاه أبدا في هذا الموضوع.. ومن بعد هذا اليوم بدأت علاقتنا تصير أحسن (إلا في الجنس ) طول الوقت نتكلم ونضحك ونتمشى ... تبغوا الصراح بدأت أحبه .. يمكن حنيت عليه .. يومين ورحنا بيت أهله زيارة.. لقينا أمه وأخته وأولادها في البيت طفشانين إقترحوا يطلعوا يتمشوا معانا... وبالفعل طلعوا معانا في سيارتنا أمه وأخته وأخوه وأولاد أخته إثنين وبنتها الصغيرة .. سيارتنا صغيره بس إنحشرنا فيها كلنا ... جلسنا في مكان حلو شويتين وقلت قوم نتمشى شويه على رجولنا وقمنا وخليناهم مع بعض ولما رجعنا ... من بعد مارحت أمشي أنا وإياه يدينا في يد بعض ونسولف.. ما كان صعب ألقى مواضيع أساله عنها لأني ما أعرف عنه شي ولا يعرف عني شي .. رجعنا وضحكتنا تملى الدنيا كنت أحس بسعاده وإستغربت من مشاعري لأني من يومين ما كنت أطيقه .. طلعنا السيارة .. طبعا كنت راكبه ورى وأخوه معاه قدام ( عمره 18 سنة) كان الوقت قبل الغروب بشوي لما مسكنا الطريق وهو كان مرة متحمس من الوناسة وفجأه بدأ يسرع سرعة جنونيه.. وأمه تقول إش فيك طاير وأنا صرت أقول بشويش إش فيك هدي السرعة..... وفي لحظه وحده من لحظات القدر ما عاد حسيت بشي من إللي حولي ... آخر شي سمعته كان صراخ وصوت السياره الفظيع وهي تخرج عن السيطرة .. .................................................. .................................................. ....................................... أول ما صحيت كنت أسمع أصوات الإسعافات وسيارات الشرطة حسيت في نور ساطع يأذيني بعيوني ماكنت مستوعبة الوضع ... ماني عارفه إش إللي صار أو أنا وين.. بدأت أسمع صوت رجال يصيح نادوا الدكتور فاقت البنت... جاء الدكتور وجلس يسألني إذا كنت حاسة بألم أو شي قلت بس ماني قادرة أتنفس .. كان يسألني عن إسمي وأنا فين ومين كان معاي بالسيارة .. في البداية ما عرفت أجاوب كنت مشوشه وماني قادرة أركز.. وشوي شوي بدأت أتذكر وأستوعب الموقف .. صرت أصيح وأنادي على زوجي .. وينه إش صار فيه .. جاء واحد أظنه الضابط المباشر للحادث وجلس يهديني يقول والله ما فيهم شي بس نقلناهم على المستشفى عشان نتطمن عليهم وما باقي في السيارة إلا إنتي والولد.. وألحين خلي الدفاع المدني يشوف شغلة عشان نطلعكم بسرعه والدكتور هنا إذا حسيتي بأي شي أشريلي.. وقتها بس إنتبهت إن ولد أخته عمره 6 سنوات مرمي عند رجلي .. ماكنت قادره أشوفه كويس .. كنا محتجزين بالسيارة والساعه صارت 11 بالليل وهم يفككوا السيارة عشان نطلع كان الولد ياحبيبي فاقد الوعي وكان داخل بين رجولي والحديد ملتف حولنا.. وكانو حذرين عشان ما يؤذون رجلي وهوهذا السبب إللي ماخلاهم يطلعوا الولد .. بدأت أحس بآلآم فضيعة في كل جسمي بس كان الشي الوحيد الغير محتمل هو التنفس كنت محتاجه لكل ذرة هواء وفي نفس الوقت كل ذرة أكسجين أحسها تذبحني من شدة الألم.. وفي نفس الوقت ماكنت أحس برجلي المحتجزة نهائيا.. صرت أنادي عليهم جاني الدكتور قلت صدري ماني قادرة أتنفس أنا حاسه إن عندي نزيف داخلي .. قال بصراحة إحنا هنا فريق طبي كامل لو ما قدروا يطلعوكم بسرعة راح نضطر نعملك عملية بتر للساق في السيارة لأنه بيكون في خطر على حياتكم.. إسودت الدنيا في عيني وصرخت يااااااااارب ... ساعدني الولد لو صار له شي ما راح أسامح نفسي.. أغمى علي ما أدري قد إيش ولما صحيت كانت المحاولات مستمرة ناديت الضابط وقلت خلاص قول للدكتور يسوي العملية أنا في كل الأحوال ميته .. لأني فعلا كنت أحس الموت .. جاء الدكتور وبدأ الممرضين يجهزوا عدتهم .............. اكمل القصة ولا مالها داعي؟؟؟؟ | |
  |
 |
| مواقع النشر (المفضلة) |
| الكلمات الدلالية (Tags) |
| موثره, حجاً, واقعية |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصة واقعية حدثت لشاب في أسواق الراشد | شوكلاتة | ♣ قصص رومنسية - واقعية - قصة حب - خيالية ≈ | 5 | 04-21-2010 06:57 AM |
| الطفوله .. قصة حلمـ |قصة آمل | وخآطرة عذوبه .~ | яiαħiή | ♣ صور للماسنجر - توبيكات ملونة - حزينة - عتاب - حب ≈ | 17 | 10-23-2009 01:07 AM |
| قصة واقعية حصلت معي وزميلي رحمه الله قبل 15 سنة | الوفا طبعي | ♣ ضحك وفرفشة - تسلية - نكت - مواقف طريفه ≈ | 7 | 08-18-2009 03:12 AM |
| زيت لفـرد الشعر وإطالته وإيقاف التساقط خيـــالي جداً جداً لدرجة لاتصدق | آحلـ غـرام ـى | ♣ أزياء - فساتين - مكياج - ميك أب - قصات شعر - اكسسوارات ≈ | 8 | 06-30-2008 02:39 PM |
| قصه حزينه واقعية....... | حبيب الروح | ♣ قصص رومنسية - واقعية - قصة حب - خيالية ≈ | 8 | 09-24-2007 02:13 PM |
العرض العادي
